Juventus, Manchester United Sporting CP watinga robo fainali Europa

Lyrics

"Usiku wa Alhamisi baadhi ya mechi za kombe la Europa zilichezwa ukiwa ni mzunguko wa pili wa kombe hilo huku kukiwa na timu zilizopata matokeo katika dakika za mapema tofauti Sporting CP ambao wao walilazimika kusogeza dakika hadi katika dakika za nyongeza na hatimaye penalti zikaamua wao kutinga robo fainali.

Juventus walianza kukichapa dhidi ya Freiburg kutokea Ujerumani na kuibuka na ushindi wa bao mbili ya sifuri ukiwa ni utofauti wa mabao matatu kwa sifuri pamoja na bao walilolifunga Juve katika mzunguko wa kwanza walipokuwa nyumbani. Katika mchezo huo mabao ya Juventus yalifungwa na Dusan Vlahovic goli lililowekwa kambani kwa mkwaju wa penalti na bao la pili likifungwa na Federico Chiesa.

Kwa Upande wa mashetani wekundu Manchester United kwao mchezo huu haukuwa na ugumu sana kwani tayari walikuwa wanaingika katika mchezo huo wakiwa na mabao manne kwa moja dhidi ya Real Betis kutokea Uhispania. Marcus Rashford alifanikiwa kuongeza bao moja katika mechi hiyo na kuufanya mzunguko wa pili uishe kwa utofauti wa mabao matano kwa moja.
View more
Moja kati ya michezo migumu kwa Arsenal msimu huu huenda ukawa ni mchezo huu waliokutana na Sporting CP katika hatua ya 16 bora. Mechi hii haikuwa riziki kwa Mikel Artela mara baada ya kuondolewa katika mashindano hayo kwa mikwaju ya Penalti katika uwanja wao wa Emirate kwa mikwaju sita kwa minne.
"