Uchambuzi mechi ya Arsenal Vs Liverpool

Lyrics

"Arsenal wakiwa katika uwanja wao wa nyumbani wa Emirate wameweza kuwachapa Liverpool bao tatu kwa mbili na kuwafanya waendelee kuongoza ligi hiyo ya Uingereza kwa kuwa na jumla ya alama 24 na wao Liverpool wakishikilia nafasi ya 10 wakiwa na alama 10 pekee.

Arsenal walianza mpira vyema katika ile dakika ya kwanza kabisa ya mchezo baada ya kupata bao la kwanza kupitia kwa mshambuliaji Gabriel Martinelli baada ya kupata pasi ya usaidizi wa goli kutoka kwa Martin Odegaard kabla ya ile dakika ya 34 ya mchezo goli hilo kusawazishwa na Darwin Nunez. Wakati kipindi cha kwanza kinaelekea kutamatika Bukayo Saka akaweka kambani bao la pili kwa Arsenal.

Baada ya kipindi cha pili kuanza Roberto Firmino akasawazisha kwa bao alilolifunga katika dakika ya 57 ya mchezo na kufanya mabao kuwa 2-2. Bao la ushindi kwa Arsenal lilifungwa katika ile dakika ya 76 ya mchezo baada ya Bukayo saka kufunga penalti na kuwa ndio bao la ushindi kwa Arsenal.
View more
Katika mchezo huo Majogoo wa London Liverpool waliutawala mpira kwa asilimia 56 wakiwazidi wenyeji wao Arsenal walioutawala mpira kwa asilimia 44. Kwa upande wa maoteo The Gunners walikuwa na maoteo matatu na Liverpool wao wakiwa na maoteo sita. Kwa ujumla kona zilikuwa saba ambapo Arsenal walipata kona nne Huku Liverpool wakiwa na kona tatu.

Katika mechi hiyo mashuti ya moja kwa moja katika lango pinzani yalikuwa kumi huku kikosi kazi cha Mikel Arteta wakipata mashuti saba na mashuti matatu yakiwa katika kikosi cha Jurgen Klopp. Kadi moja ya njano ilitolewa kwa Arsenal huku Liver wao wakipata kadi mbili za njano.

Baada ya dakika 90 kukamilika Liverpool wakapoteza alama tatu zingine huku kinara wa magoli kwa msimu uliopita Mohamed Sala akiwa na magoli mawili pekee katika mechi nane, mechi inayofuata wiki ijayo Liverpool wanakwenda kuvaana na Manchester City.

Licha ya hayo yote Kocha wa Liverpool Jurgen Klopp amethibitisha ya kuwa kikosi chake kwa sasa hakiko katika mbio za kinyang’anyiro cha Ubingwa wa ligi kuu ya Uingereza baada ya kipigo hicho cha bao tatu kwa mbili.
"