Uchambuzi mechi ya Simba Sc Vs Primeiro De Agosto

Lyrics

"Klabu ya soka ya nchini Tanzania Simba Sports Club hatimaye imefudhu hatua ya makundi ligi ya mabingwa Afrika baada ya kushinda mechi yao dhidi ya Primeiro De Agosto ya nchini Angola kwa jumla ya mabao manne kwa moja. Ushindi huu wa Simba ni baada ya kucheza mechi mbili kwa maana ya mechi ya ugenini pamoja na mechi ya nyumbani. Mechi ya ugenini ni baada ya Simba kwenda nchini Angola na kushinda mabao matatu kwa moja na mechi ya marudiamo iliyochezwa katika uwanja wa Mkapa na Simba kuondoka na ushindi wa bao moja kwa sifuri.

Katika mechi ya marudiano Wekundu wa Msimbazi walifanikiwa kupata bao lao katika kipindi cha kwanza katika ile dakika ya thelathini na tatu ya mchezo bao lililodumu mpaka kutimu kwa kipindi cha pili cha mchezo baada ya Moses Phiri mshambuliaji kutokea Zambia kuliweka kambani.

Ukiwa ni mchezo ambao Simba walipata unafuu baada ya kuingia kifua mbele na mabao matatu umiliki wa mpira wa Simba ulikuwa wa asilimia sitini na nne huku Primerio De Agosto wakimiliki mpira kwa asilimia thelathini na saba. Kona jumla zilikuwa nane na Simba walipata jumla ya kona sita huku De Agosto wakiwa na kona mbili pekee.
View more
Ijapokuwa Simba walitawala mchezo kwa ukubwa zaidi ila walipata jumla ya maoteo mawili na De Agosto wakipata maoteo matatu. Kadi za njano jumla zilikuwa nne Simba wakipata kadi moja na huku De Agosto wakipata kadi tatu za njano na hakuna kadi nyekundu.

Baada ya mechi hiyo Simba Sports Club ya nchini Tanzania imefudhu kuingia hatua ya makundi katika ligi ya Mabingwa Afrika huku Young African Sports Club ya nchini Tanzania wakishindwa kufudhu baada ya kufungwa jumla ya mabao mawili kwa moja dhidi ya AL Hilal ya nchini Sudan. Baada ya kushindwa kufudhu Yanga watapata nafasi ya kushiriki kombe la shirikisho barani Afrika.
"