Uchambuzi mechi ya Chelsea Vs AC Milan

Lyrics

"Mabingwa wa Serie A kwa msimu uliopita AC Milan wameshindwa kung’ara katika mechi yao dhidi ya Chelsea kwa kubali kuondoka na kipigo cha bao tatu kwa sifuri. Katika mchezo huo Chelsea wakiwa nyumbani walishuhudiwa wakiwasulubu Milan huko Stamford Bridge.

Bao la kwanza lilifungwa baada ya Wesley Fofana kupokea pasi kutoka kwa Ruben Loftus-Cheek kabla ya dakika ya 38 Fofana kutolewa nje kwa majeraha. Kipindi cha pili kikaanza na dakika ya 56 Pierre-Emerick Aubameyang kufunga bao la pili baada ya beki wa kulia wa Chelsea Reece James kumpatia pasi makini kabisa. Bao la ushindi lilifungwa na Reece James baada ya Raheem Sterling kumsogezea mpira na beki huyo kukamilisha ushindi huo kwa Chelsea.

Wakiwa nyumbani Chelsea walimiliki mpira kwa asilimia 51 ambazo ziliwapa uwezo wa kupata mabao hayo matatu huku AC Milan wakimiliki mpira kwa asilimia 46. Maoteo kwa Chelsea yalikuwa matatu huku Milan wakiwa na oteo moja pekee. Jumla ya kona zilikuwa saba, kona nne zikitokea katika kikosi kazi cha Graham Potter na kona tatu zikitokea katika kikosi cha Stefano Pioli . Kadi zilizotolewa ni tano nazo mbili kwa Chelsea na tatu kwa AC Milan.
View more
Katika mchezo huo Chelsea walipata mashuti sita ya moja kwa moja katika lango la AC Milan waliopata shuti moja pekee na kuwafanya Chelsea wakae katika nafasi ya pili katika kundi E la ligi ya mabingwa Ulaya wakiongozwa na Red Bull Salzburg wakiwa na alama tano huku wa Ac Milan wakiwa na alama nne katika nafasi ya tatu na Dinamo Zagreb wakishika mkia wakiwa na alama tatu pekee.
"