Gonzalo Higuain atangaza kuachana na soka

Lyrics

"Wakati kina Zlatan Ibrahimovic na Lee Grant wakiwa hawana hata dalili za kustaafu katika mchezo wa soka kama wachezaji, mchezaji wa zamani wa Chelsea ya Uingereza, Inter Milan na Juventus za huko Serie A pamoja na Real Madrid ya huko Hispania Gonzalo Higuain al-maarufu kama El Pipita ametangaza rasmi kustaafu katika maisha ya kusakata kabumbu baada ya kutumikia soka kwa miaka kumi na saba.

Akiwa na asili ya Argentina na Ufaransa akikipiga huko Inter Miami, Pipita mwenye miaka 34 haikuwa rahisi kwa yeye kutoa kauli hiyo mbele za vyombo vya habari na kupelekea kutoa machozi. Katika taarifa hiyo straika huyo alipata wasaa wa kuishukuru familia yake pamoja na mashabiki kwa mapenzi waliyomuonesha muda wote wakati akiwa na timu mbalimbali za soka.

Katika hiyo miaka kumi na saba aliyotumika katika soka Gonzalo tayari ana vikombe kumi na nne, katika michezo 782 aiyowahi kuicheza na kufanikiwawa kuweka kambani magoli 361 mpaka hivi sasa.
View more
Akiwa na timu yake ya Taifa Tayari Higuain ameshafunga mabao 31 katika mechi zake 75 akiwa na Argentina na kuifanikisha timu hiyo kufika fainali za kombe la dunia mnamo mwaka 2014. Katika taarifa yake hiyo ya kustaafu katika kusakata kabumbu mchezaji huyo alisema ……nimekuwa na tasnia isiyofikirika na nimefanikiwa zaidi ya vile nilivyokuwa nikitegemea. Haya ni maamuzi niliyoyafanya miezi mitatu au minne iliyopita




"