Uchambuzi wa magazeti 11-01-2023

Lyrics

Uhakiki wa magazeti ya Tanzania yasemavyo leo- 11/01/2023

Rais wa Jamhuri ya Muungano wa Tanzania Dkt. Samia Suluhu Hassan amewataka vijana wa Chama Cha Mapinduzi kutumia fursa zilizopo nchini ili waweza kujikwamua na hali ngumu ya maisha. Kupitia matembezi ya UVCCM ya kuadhimisha kilele Cha miaka 59 ya Mapinduzi, vijana wametakiwa kuja na mawazo mapya na pia kujipanga ili waweza kujiwezesha na kutumia fursa zilizopo ikiwemo kilimo.(Jamvi la habari)

Mara baada ya kupanda kwa bei za vyakula nchini, serikali kupitia waziri wa wizara husika Hussein Bashe amesema ya kuwa suala hilo serikali inalitambua na chanzo Cha mfumuko huo wa bei ni pamoja na kupanda kwa gharama za usafiri na ifikapo mwezi Machi mwaka huu bei za vyakula zitapungua zaidi nchini. Hayo aliyasema wakati alipokuwa akizungumza na wahariri wa habari mjini Dodoma na kutaja bidhaa zilizopanda bei ikiwemo Unga, maharage pamoja na Michele (Mwananchi)
View more
Rais Samia Suluhu Hassan ambaye pia ni mwenyekiti wa Chama Cha Mapinduzi amewataka wanachama wa Chama hicho kutumia hoja katika majibizano dhidi ya wapinzani wao. Rais Samia aliyasema hayo wakati wa kuadhimisha kilele cha matembezi ya miaka 59 ya Mapinduzi ya Zanzibar na kutotaka ugomvi wala kutukanana na wapinzani. Suala hili limeibuka mara baada ya Dtk. Samia kuhidhinisha ufanyikaji wa mikutano ya kisiasa nchini. (Majira)

Chama Cha wamiliki wa magari makubwa ya usafirishaji kimeitaka serikali kupitia tena mswada wa Sheria ya Kodi dhidi ya magari ya usafirishaji ambao haukufanyiwa kazi. Mwenyekiti wa Chama hicho Bwana Eliss Lukumay alidai ya kuwa gharama za Kodi dhidi ya magari hayo ya usafirishaji zimepanda kutoka shilingi 180,000 kwa chombo kimoja Cha usafiri mpaka shilingi milioni 2.79 ambapo hali hii imezidi kuleta ugumu katika shughuli za usafirishaji. (The Citizen)

Kocha mkuu wa klabu ya soka ya Young Africans Sports club, Yanga Nasreddine Nabi amemtaka mchezaji Feisal Salum kurejea klabuni hapo na kuonesha kuwa na mipango na mchezaji huyo. Ikumbukwe ya kuwa Feisal mwishoni kabisa kwa mwaka 2022 aliingia mgogoro na klabu hiyo ya soka mara baada ya kutaka kuvunja mkataba na Yanga. Katika sakata hilo shirikisho la mpira wa miguu Tanzania likalazimika kuingilia kati na kutoka taarifa za kuhidhinisha uwepo wa Feisali klabuni hapo. Feisal anatakiwa kurejea Yanga na kuanza mechi za ligi na siku ya Jumatatu watakapokutana na Ihefu (Mwanaspoti)