Sadio Mane ajiunga Bayern Munich

Lyrics

Imeshakuwa rasmi kwa mshambuliaji wa timu ya Taifa ya Senegal Sadio Mane kujiunga na Bayern Munich ya Ujerumani baada ya Liverpool kukubali dau ya Poundi milioni 35 kutoka kwa Bayern Munich ili kumpata mchezaji huyo.

Sadio Mane (30) alisajiliwa na Liverpool tangu mwaka 2016 kwa dau la Poundi milioni 34, na usajili wake huo umeweza kuzaa matunda akiwa Liverpool kwa kubeba Vikombe kadhaa Kama vile kombe la mabingwa Ulaya, kombe la FA, ubingwa wa Ligi kuu Uingereza, pamoja na Kombe la karabao.

Sio tu kwa Liverpool lakini hata kwa timu yake ya Taifa ambayo Mane ameiwezesha Senegal kubeba ubingwa wa Africa Cup of Nations katika msimu wa mwaka 2021/2022 na kuwa kombe la kwanza la AFCON kwa Senegal kulibeba tangu kuanzishwa kwake.
View more
Kabla ya mshambuliaji huyo kuondoka liverpool alisema angetamani aondoke katika timu hiyo na kwenda kutafuta changamoto nyingine, na Bayern wakaonesha wako tayari kutoa changamoto kwa mchezaji huyo na kumsajili kwa mkataba ambao utadumu mpaka mwaka 2025 akiwa Bayern.

Baada ya taarifa hizo kuwa rasmi baadhi ya wachezaji wa Liverpool wamemtakia heri mchezaji huyo na miongoni mwao ni mshambuliaji mwenza wa Liverpool Mohamed Salah baada ya kusema " Ni safari kabisa, Nashukuru kwa muda wote mzuri nakutakia kila La kheri katika matukio yako mapya, utakumbukwa na sisi wote." Salah aliyasema hayo kupitia mtandao wa kijamii wa Instagram

Wakati akiwa na Liverpool Mane ameweka kambani takribani mabao 120 na kutengeneza pasi za usaidizi wa magoli 38 katika michezo 269 aliyoicheza akiwa na Liverpool tangia mwaka 2016 aliposajiliwa na Majogoo hao wa London na kubeba makombe 6