Ali Jita ya yi kira ga jama'a da gwamnati akan yan Arewa a Oyo da Edo

By Omar Ayuba Isah

Send To A friend On Whatsapp

Daya daga cikin manyan mawakan Arewacin Nigeria Ali Isah Jita, wanda a cikin farkon watan nan ne na feburerun 2021 mahaifin sa ya rasu bayan jinya da ya sha fama da shi, ya fito a karo na farko tin rasuwar a shafin sa na Instagram, inda ya wallafa wani hoto da kuma rubutun da ke baiyana sunayen wasu mutane mutun biyar (5) da su ka bude asusun banki dan samun tallafin da za a hidimta wa hausawan da iftila'in rikici da kashe kashe ya same su a jihohin Oyo da ke yankin yarabawa da kuma Edo da ke yankin Niger Delta.

A cikin satin nan ne da ya gabata aka dinga kai wa hausawa mazauna wadan nan jihohin hare hare tare da lalata dukiyoyin su mai tarin yawa. Kudin dai da ake kokarin tarawa ta hanyan tallafi, za a yi anfani da su ne wajan siyan magunguna, abinci da dai ragowan abubuwan ga wadan da wannan iftila'i ya same su. Mawakin ya cigaba da kira ga gwamnati da ta shiga cikin lamarin dan dakatar da abun da ke faruwa ga hausawa mazauna wadan nan jihohin.

Also Read: Lilin baba na shirin zagayan gidajan radiyo a Arewa.

Ba iya Ali Jita kadai ba ne ya ke kira ga gwamnati akan abun da ke faruwa, mawaka da jarumai da dama ne su ke ta kiraye kiraye a shafukan su na sada zumunta daban daban akan wannan al'amarin da ya ke cigaba da daukan hankalin jama'a musanman a arewacin Nigeria. Ali Isah Jita dai a yan kwanakin baya ne ya kaddamar ta sabon gidan biki (Event center) a jihar Kano, inda jarumai da mawaka maza da mata daban daban ne su ka samu halattar kaddamar da gidan bikin.

Ali Jita yanzu haka na daya daga cikin mawakan da ake sanya fefen bidiyan su a manyan gidajan talabishan a kudancin kasar nan irin su Hip TV da sauran su. Sannan ko a kwanakin baya ya kasance daya daga cikin mawakan da su ka jagoranci zangazangar limana a jihar Kano akan Ta'addanci da garkuwa da ake da mutane a arewacin Nigeria, shigen irin zangazangar da mawakan kudancin Nigeria su ka gudanar mai taken #Endsars a kwanakin baya.

Also Read

Ahmad shanawa's New Born Baby

Yakubu Muhammad New Series Release

News on Namenj and Hamisu Breaker new song

An yi wa maganar jarumi Momo mumunar fahimta a radiyo

An yi bikin zagayowar ranar haihuwar mawaki Umar M. Sharsef

Mawaka hudu (4) da ake sa ran za su yi tashe a sabuwar shekara 2021 a cikin Kannywwod

Mawaki Lilin baba ya saki sabuwar bidiyo