Ty Shaban ya fara aikin sabuwar film din sa

21 February 2021

By Omar Ayuba Isah

Tsohon mawaki kuma jarumi sannan mai shiryawa tare da ba da umarni a masana'antar Kannywood "Ty Shaban ya fara aikin wani sabon film din sa mai suna "Gudun gara" a cikin watan nan na faburerun 2021.

Jarumin wanda kwarerren ma'aikacin radio da talabijan ne, wanda a halin yanzu ya ke gabatar da fitaccen shirin nan ta "Dandalin Nishadi" a tashar "Arewa24", mahaifi ne ga daya daga cikin yaran mawaka kuma jarumi wato " Freeboi Shaba".

Ty Shaban dai ya wallafa tarin hotuna ne daga fegen daukan film din na "Gudun gara" a shafin sa na Instagram, inda ya ke sanar wa masoyan sa cewa an fara daukan wannan film na shi kuma a cikin hotunan an ga wa su sanannun fuskokin jarumai da ma sabbin jarumai wa dan da za su taka rawa a cikin film din idan ta fito.

Shi kansa jarumin ne ya ke shiryawa a karkashin kwanfanin sa mai suna "Bluesound Multimedia, inda kuma Dan Hausa ya ke ba da umarni. Ty Shaban na daya daga cikin manyan jarumai ma su tarin kwarewa a masana'antar Kannywood duba da shekarun da su ka yi a masana'antar da kuma irin gudunmawar da su ka bayar.

Wani abun jan hankali anan shi ne yadda jarumin ya dage a yan shekarun bayan nan wajan fitowa a finafinai manya tare da shirya na sa finafinan shi ma. Mu na dakon sanin lokacin da wannan film zai fito dan sanar da ku labarin fitowar.