Diamond ‘Sona’, Alikiba ‘Mama’, Jux ‘Simuachi’ na Nyimbo Zingine Mpya Bongo Wiki Hii
9 May 2022
[Picha: Kayfmusic]
Mwandishi: Charles Maganga
Pakua Ngoma Zake Nandy Bila Malipo Kwenye Mdundo
Ukiwa unafuatilia kwa ukaribu muziki wa Bongo Fleva, utafahamu kuwa, wiki hii wasanii tofauti tofauti kutoka Tanzania waliweza kupamba na kuchangamsha na kupamba tasnia ya muziki kwa kuachia ngoma kali ambazo zimeweza kuburudisha masikio ya mashabiki nchini Tanzania. Zifuatazo ni orodha ya nyimbo mpya ambazo zimeachiwa na wasanii wa Tanzania wiki hii:
Soma Pia: Diamond 'Wonder', Killy 'Vumilia' na nyimbo zingine Mpya Kutoka Tanzania
Niamini - Hamadai ft Alikiba
Hamadai na Alikiba wiki hii walichangamsha Bongo Fleva na ngoma yao ya ‘Niamini’ ambayo ndani yake wawili hawa wanaimba kwa hisia na bashasha huku wakiwataka wenzi wao kuwaamini katika mambo mbalimbali ambayo wanataka kuwafanyia ikiwemo kuwavisha pete na ahadi kedekede
Sona (Video) - Diamond Platnumz
Baada ya Wonder, wiki hii Diamond Platnumz aliamua kuachia video ya Sona ambayo imeongozwa na TG Omori ikiwa ni video ya nne kutoka kwenye EP First Of All ambayo iliingia sokoni takriban miezi miwili iliyopita.
Vimepanda Bei - B2K ft Mtafya
Ubunifu wa B2K umezidi kudhihirika, baada ya kuachia ngoma yake ya Vimepanda Bei ambayo ndani yake ameongea mambo ya msingi akigusia hasa mfumuko wa bei ambao unaendelea hapa nchini Tanzania kwa sasa, kitu ambacho kimegusa sana wasikilizaji wa ngoma hii.
Simuachi - Jux
Juma Jux ameendelea kukoleza dozi ya burudani baada ya kuachia ngoma yake nzuri ya mapenzi ya kuitwa Simuachi ikiwa ni ngoma yake ya pili kwa mwaka huu wa 2022. Kama kawaida yake kuanzia mashahiri, mdundo mpaka midondoki ya ngoma hii, Jux ameweza kuitendea, haki.
Mama (Video) - Alikiba
Alikiba ameonesha uzalendo kwa nchi yake ya Tanzania, kupitia ngoma hii ya kuitwa "Mama" ambayo kwenye mashahiri ya wimbo huu, Alikiba anasheherekea mafanikio ya Rais Samia Suluhu Hassan tangu awe Rais wa Tanzania na kumpongeza Rais huyo kwa kuja na filamu ya Royal Tour.
Cheusi Cheupe - Ommy Dimpoz ft Meja Kunta
Muziki wa singeli unaendelea kushika kasi nchini Tanzania na hii inaoneshwa na msanii Ommy Dimpoz ambaye ameachia ngoma yake kali ya singeli ya kuitwa Cheusi Cheupe ambapo ndani yake anajaribu kumshawishi mwanamke aweze kutoka nae kimapenzi. Ngoma hii amemshirikisha fundi wa singeli wa kuitwa Meja Kunta.
Star (Video) - Mabantu
Baada ya subira ya muda mrefu hatimaye kundi la Mabantu limeachia video ya ngoma yao ya kuitwa ‘Star’ ambayo mitindo yadansi au kucheza pamoja ubora wa picha imeweza kupamba na kufanya kazi ya wasanii hawa kuwa ya kipekee sana.
Leave your comment