‘Harmonize ‘Bakhresa’, Diamond ‘First of All’ EP na Nyimbo Zingine Mpya Tanzania Wiki Hii
14 March 2022
[Picha: Instagram]
Mwandishi: Pulse Live Kenya
Muziki wa Bongo Fleva unazidi kukua siku baada ya siku na hii ni kwa sababu kila wiki wasanii wakubwa kwa wadogo wamekuwa wakiachia ngoma mpya ambazo zimezidi kufanya Bongo Fleva kunoga zaidi. Zifuatazo ni ngoma tano kali ambazo wasanii kutoka Tanzania wameachia ndani ya wiki hii:
Pakua Nyimbo za Anjella Bila Malpo Kwenye Mdundo
Sokomoko - Abdu Kiba ft Maua Sama
Kwenye ngoma hii, Abdu Kiba na Maua Sama wanapashana maneno mazuri, wakiambiana ni kwa namna gani wanapendana sana huku wakituma ujumbe kwa maadui zao kuwa kamwe hawawezi kuwatenganisha.
Bakhresa - Harmonize
Hatimaye wiki hii Harmonize ameachia ngoma yake ya kuitwa Bakhresa ambayo ndani yake Konde Boy anamwaga sifa kedekede kwa Said Salim Bakhresa ambaye ni mojawapo ya matajiri wakubwa sana hapa nchini Tanzania. Kwenye kibao hiki kilichotayarishwa na Sign Beatz Harmonize anamsifia Bakhresa kwa mtindo wake wa kuishi maisha binafsi yasiyo na kujikweza.
First Of All (FOA) EP - Diamond Platnumz
Baada ya subira ya muda mrefu hatimaye Diamond Platnumz aliweza kuachia EP yake mpya ya kuitwa First Of All ambayo imesheheni ngoma kumi, ikishirikisha wasanii kama Jay Willz, Adenkule Gold, Zuchu, Mbosso, Focalistic na wasanii wengine wengi. Kufikia sasa EP hii ambayo imetayarishwa na magwiji wa muziki Lizer Classic na S2kizzy imevunja rekodi mbalimbali za muziki hapa Tanzania kwenye mitandao mbalimbali ya kuuza muziki.
Shulala - Anjella
Wiki hii mwanamuziki Anjella aliweza kuvunja ukimya baada ya kuachia ngoma yake ya Shulala ambayo ndani yake anasifia penzi na huba motomoto analopewa na mpenzi wake wa muda mrefu na kufikia sasa ngoma imeshatazamwa mara laki moja na elfu tano kwenye mtandao wa YouTube.
Mama Ntilie - Shilole
Kwenye ‘Mama Ntilie’, Shilole anaweka wazi namna ambavyo anafurahi kuona biashara yake ya chakula inazidi kukua huku baadhi ya mistari ya ngoma ikitafsiriwa na mashabiki kama jumbe kwa, mpenzi wake wa zamani Uchebe na msanii mwenzake Ali Kiba.
Leave your comment