Valentines 2022: Nyimbo Bora za Kusikiliza Siku ya Wapendanao
12 February 2022
[Picha: Sharon Madonna]
Mwandishi: Charles Maganga
Pata Habari za Muziki na Mixtapes Bure Kwenye Telegram
Kuna namna nyingi sana ambazo unaweza kumtakia heri mpenzi wako hasa itakapofika Februari 14. Unaweza ukatuma maua, ukapeleka kadi kwa mpenzi wako au njia rahisi unaweza ukatuma ngoma kali ya mapenzi ili uweze kumwambia kwa urahisi unajisikiaje juu yake. Kwa kulitambua hilo tumeamua kukuletea ngoma 10 kali ambazo unaweza kuzisikiliza kipindi cha Valentine:
Pakua Nyimbo Zake ALi Kiba Bila Malipo Kwenye Mdundo
Valentine - Rayvanny
Pamoja na kwamba wimbo huu alimuimbia mpenzi wake Paula, lakini bila shaka wimbo huu ni makhususi kwa ajili ya kuonesha mapenzi uliyonayo kwa msichana wako.
For You - Marioo
Kama una mpenzi ambaye anakusaidia, kukupa moyo na ambaye alitibu majeraha yako ya moyo kutokana na kuumizwa basi ‘For You’ ni wimbo ambao unamfaa sana hasa kipindi hiki cha Valentine.
Pakua Nyimbo za Marioo Bila Mlaipo Kwenye Mdundo
Never Ever - Vanessa Mdee
Kwenye ngoma hii ya RnB Vanessa anaapa kuwa na mpenzi wake milele yote na kamwe hatakuja kumuacha kutokana na penzi lake kuwa la moto sana.
Tamba - Mbosso
Kwenye kibao hiki, Mbosso anawakumbusha watu kuwa mapenzi ya dhati hayahitaji kuwa na pesa nyingi sana. Kikubwa ni watu wapendane na kukubaliana bila tashwishwi.
Valentine - Genius Jini ft Jay Melody
Kama una mpango wa kumpeleka mpenzi wako ‘Out’ siku ya Valentine, ni vyema ukakubali kusindikizwa na wimbo huu ambao ukiweka kando mashahiri yake, pia mdundo wake unaruhusu wapendanao kucheza pamoja.
Utu - Ali Kiba
Kama unatafuta chaka la mapenzi na kumkumbusha mpenzi wako sifa zake na jinsi anavyokufanya ujisikie vizuri, basi ‘Utu’ ya Alikiba ni kwa ajili yako.
Raha - Zuchu
Kwenye ngoma hii Zuchu anakiri kabisa kuwa anajisikia vizuri sana kupendwa kutokana mapenzi moto moto anayopewa na mpenzi wake.
Kiboko Yangu - Mwana FA ft Ali Kiba
Ni binadamu gani ambaye anakufahamu nje ndani na unahisi ni kiboko? Kama ni mpenzi wako basi bila shaka hii ni ngoma makhususi kwa ajili ya kumtumia mtu ambaye utashiriki nae Valentine hii.
Komela - Dayna Nyange ft Billnass
Ukitaka kumhakikishia mpenzi wako kuwa unampenda hasa kipindi hiki cha Valentine basi huna budi kusikiliza ‘Komela’ ya Dayna Nyange, ngoma ambayo ndani yake imejaa mashairi mazuri ya mapenzi.
My Number One - Diamond Platnumz
Ukitaka kumwaminisha mwandani wako kuwa yuko peke yake na kwamba unaye yeye peke yake, basi Diamond Platnumz amekusaidia kufikisha ujumbe huo kupitia ‘My Number One’.
Leave your comment