Mbosso ‘For Your Love’, Ibraah ‘Addiction’ na Nyimbo Zingine Zinazovuma YouTube Tanzania Wiki Hii
3 December 2021
[Picha: Nyimbo Mpya]
Mwandishi: Charles Maganga
Pata Habari za Muziki na Mixtapes Bure Kwenye Telegram
Mwaka unpokaribia kuisha, wasanii wa Bongo wanazidi kuachia kazi mpya ambazo zinafanya vyema kwenye YouTube. Makala hii inaangazia ngoma tano kutokea nchini Tanzania ambazo zinavuma YouTube wiki hii.
Soma Pia: Nyimbo Mpya Zilizoachiwa na Ibraah, Nandy na Maua Sama Tanzania Wiki Hii
For Your Love - Mbosso ft Zuchu
Zimetimia wiki tatu tangu Mbosso aachie video ya ‘For Your Love’ na tangu kuachiwa kwake, ngoma hii imekuwa ni pendwa sana kwa mashabiki kutokana na ubora wa ngoma yenyewe pamoja na video. Kufikia sasa imeshatazamwa mara Milioni 2.5 kwenye mtandao huo.
Addiction - Ibraah ft Harmonize
Ngoma ya ‘Addiction’ ambayo ina vionjo vya Amapiano imeendelea kufanya vizuri kwenye mtandao wa YouTube ikiwa ni ngoma ya tano kutoka kwa Ibraah kwa mwaka huu.
Outside - Harmonize
Video ya ‘Outside’ ya kwake Harmonize imeendelea kuwika na kufanya vizuri kwenye mtandao wa YouTube. Hii ni kutokana na ubora wa video yenyewe ambayo imeongozwa na muongozaji wa video za muziki kutokea nchini Nigeria wa kuitwa TG Omori.
Karibuni Kibaha - Maarifa
Kazi nzuri kutoka kwa Mr T Touch ambaye alitayarisha ngoma hii pamoja na Swahili Studios ambaye alitayarisha video imefanya kazi hii kutoka kwa bingwa wa Hiphop nchini Tanzania Maarifa iwe kali sana.
Bia Tamu - Marioo
‘Bia Tamu’ ya Marioo imeendelea kushikilia kwenye chati za juu kwa upande wa YouTube nchini Tanzania. Kufikia sasa video hii imeshatazamwa mara Milioni 2.4 kwenye mtandao wa YouTube.
Leave your comment