Nyimbo Mpya: Rayvanny Aachia Video ya Ngoma Yake ‘Baila’
9 November 2021
[Picha: YouTube]
Mwandishi: Charles Maganga
Pata Habari za Muziki na Mixtapes Bure Kwenye Telegram
Bosi wa lebo ya Next Level Music Rayvanny ameachia video ya ngoma yake pendwa na inayofanya vizuri sana kwa sasa ‘Baila’.
‘Baila’ ni ngoma ambayo inapatikana kwenye EP yake aliyoiachia hivi karibuni inayoitwa ‘New Chui’ na hii ni video ya kwanza kabisa kuachiwa kutoka kwenye EP hiyo yenye nyimbo sita.
Soma Pia: Nyimbo Mpya: Maud Elka na Alikiba Waachia ‘Songi Songi’ Remix [Video]
‘Baila’ ni neno la kihispaniola lenye maana ya kucheza, na kwenye video ya ngoma hii, Rayvanny hajacheza mbali na maana ya neno hilo, kwani mwanzo hadi mwisho video hii imejaa mitindo ya tofauti tofauti ya dansi kutoka kwenye nchi mbalimbali za Amerika ya Kusini.
Kilichovutia zaidi kwenye video hii ni namna ambavyo Rayvanny alivaa mavazi yenye asili ya nchi za Columbia au Mexico kitu ambacho kimependezesha sana.
Video hii imeongozwa na Director Hanscana kutokea Tanzania ambaye pia alishafanya kazi na Rayvanny kwenye video ya ‘Lala’ ambayo Rayvanny alishirikiana na Jux.
Hii ni video ya kumi na moja kwa mwaka huu kutoka kwa Rayvanny. Kufikia sasa ameshatoa video tofauti tofauti kama ‘Kiuno’, ‘Lala’, ‘Sweet’, ‘Wanaweweseka’ na nyinginezo nyingi.
Leave your comment