Nyimbo Mpya: Lava Lava Aachia Video ya Ngoma Yake 'Inatosha'

[Picha: Lava Lava Instagram]

Mwandishi: Brian Sikulu

Pata Habari za Muziki na Mixtapes Bure Kwenye Telegram

Mwanamuziki nyota Lava Lava kutoka lebo ya WCB ameachia ngoma mpya kwa jina la 'Inatosha'.

Ngoma hiyo inazungumzia mhusika kukata tamaa katika mapenzi baada ya kupitia maumivu na ugomvi kwenye mahusiano.

Soma Pia: Alikiba Adokeza Ujio Wa Video Mpya Kutoka Kwa 'Only One King' Album

Kulingana na mistari ya wimbo huo, ugomvi unapozidi na kuwa mwingi kwenye mahusiano, basi ni heri mtu ajitoe ili apate utulivu wa akili. Jina la wimbo hilo linatokana na mhusika, ambaye kwenye wimbo huu ni Lava Lava, kukata kauli kuwa maumivu aliyopitia kwenye mapenzi yametosha na basi ni wakati wake kuchukua mkondo mpya.

Lava lava pia anasema kuwa upendo wa wazazi wake unatosha na hahitaji upendo zaidi.

"Sasa nimekuwa nimejua mapenzi uchizi. Yule unayempenda ndo anakunyima usingizi. Kwake moyo unautua bila ikipingamizi. Na kesho anakuzingua mapenzi ya siku hizi. Unatuma message mchana anajibu usiku. Unatuma message usiku anajibu mchana. Unatuma message mchana anajibu usiku. Mapenzi unamwona online anachat. Na kukujibu hataki. Anaposti yuko kwa party na marafiki," Lava Lava anaimba kwenye 'Inatosha'.

Soma Pia: Ibraah Apendezwa na ‘High School’ Album ya Harmonize, Aitaja Albamu Bora Afrika 

Video ya wimbo huu umeelekezwa na Hanscana ambaye pia ni mwelekezaji wa video za wasanii wa WCB. Video hiyo ni ya kipekee kama vile ngoma yenyewe kwani wazo lake limeleta muziki wa kale na wa kizazi kipya pamoja.

Aidha, ngoma hii imesifiwa kutokana na kuleta ladha ya mtindo wa rhumba na wa bongo pamoja. Hii imeonekana kama ubunifu wa kipekee kwenye sanaa ya muziki, kwani ni vigumu kujumuisha mitindo mbili kwa pamoja na mwisho wa siku kupata ngoma nzuri kama ya Lava Lava.