Mac Voice Afunguka Kuhusu Maisha Magumu Yaliyomsukuma Kufanya muziki

[Picha: Rayvanny Instagram]

Mwandishi: Brian Sikulu

Pata Habari za Muziki na Mixtapes Bure Kwenye Telegram

Msanii chipukizi Mac Voice kutoka lebo ya Next Level Music amefunguka kuhusu maisha magumu aliyoyapitia kabla ya kuingia kwenye muziki.

Mac Voice ambaye ni msanii wa kwanza kusimamiwa na lebo ya Next Level Music inayomilikiwa na Rayvanny kwa sasa anafanya 'media tour' katika vyombo mbali mbali vya habari.

Soma Pia: Nyimbo Mpya: Alikiba ‘Oya Oya’, Mac Voice ‘Tamu’ na Ngoma Zingine Zinazotamba Bongo Wiki Hii

Akizungumza na Simulizi na Sauti, Mac Voice alisema kuwa anatoka katika familia isiyojiweza na amelelewa na mzazi mmoja ambaye ni mamake. Mamake Mac Voice alikuwa na ndoto ya mwanawe kuwa daktari siku moja, ila hakuwa na uwezo wa kumsomesha.

Mac Voice baadae alilazimika kuacha masomo na kuingia kwenye muziki baada ya kukosa hela za kumuendeleza kimasomo.

"Mimi nimelelewa na mzazi mmoja, babangu kanitelekeza, kwa hiyo mama kapambana kuweza kutaka kunisomesha lakini mwisho wa siku ikashindikana. Kwa hiyo, ikabidi nihamie upande wa pili, huku mamangu ndoto zake mimi kufikia kuwa doctor lakini kutokana na uwezo hana, kwa hiyo ikashindikana kunisomesha kufikia malengo yake basi ikabidi mimi niangalie upande wa pili ili nione naweza kumsaidiaje," Mac Voice alifunguka.

Soma Pia: Albamu 3 Zitakazosisimua Tasnia ya Muziki Tanzania

Uamuzi wa Mac Voice wa kuingia kwenye muziki ulimuumiza mamake ila hakuwa na budi kumpa mtoto wake baraka. Mac Voice aidha alisema kuwa amekuwa na uwezo wa kuimba tangu utotoni na ni kitu ambacho familia yake pia iliweza kuona na kukikubali.

Mac Voice kwa sasa anatamba na nyimbo sita alizoachia hivi maajuzi kupitia EP yake ya 'My Voice'.