Nyimbo 5 za Injili Unazohitaji kwenye Orodha Yako ya Mziki wa Pasaka
31 March 2021
[Picha: Information Guide Africa]
Mwandishi: Branice Nafula
Pata Habari za Muziki na Mixtapes Bure Kwenye Telegram
Wakati sherehe ya kufa na kufufuka kwake Yesu Kristo inapokaribia, leo tuanakuandalia orodha ya nyimbo tano za Injili unazofaa kuwa nazo wakati huu wa Pasaka.
Mimina - Kwaya ya Mtakatifu Kizito
Mimina ni miongoni mwa nyimbo bora za Kwaya Katoliki ya Mtakatifu Kizito . Katika wimbo huu wanakwaya hawa wanaangazia baraka na neema za mwenyezi Mungu katika maisha yetu.
Soma Pia: Nyimbo Mpya za Injili 2021 [Video]
Wastahili sifa – Goodluck Gozbert
Huu ni wimbo wa kumuabudu mwenyezi Mungu na kumpa sifa kwa kutulinda bila ya kutuhukumu kwa yale tunayotenda. Gozbert katika ubunifu wake ameimba na bendi ambayo inakupa hamu ya kumuabudu aliyetuumba kwa moyo mkunjufu.
Relax – Christina Shusho
Katika wimbo huu, Christina Shusho anampa binadamu fursa ya kumamini Mungu katika maisha. Relax ni wimbo wake Shusho ambapo Anaimba juu ya ujasiri wake wa kuamini kwamba Mungu atatimiza ahadi zake kwa wakati wake.
Soma Pia: Nyimbo Mpya: Christina Shusho Aachia Video Mpya ‘Hesabu’
Nikumbushe wema wako – Angel Benard
Huu ni wimbo ambao unampa binadamu fursa ya kujisalimisha kwa Mungu haswa katika kutafuta majibu ya tatizo anazopitia kwa maisha yake. Angel anasisitiza kumtumainia Mungu katika nyakati zote bila ya kusita.
Mountain –Rose Muhando
Katika wimbo huu Rose Muhando anamsifu Mungu kwa kuwa chanzo chake cha nguvu. Kimsingi wimbo huo unahimiza binadamu kumkimbilia Mungu kwani yeye tu ndiye anayeweza kutupigania katika shida zote.
Leave your comment