TANZANIA: Diamond aja na ‘Simba’

Staa wa muziki Diamond Platnumz amejipanga kuachia wimbo mpya wa kurap uitwao Simba. Akizungumza katika kipindi cha XXL cha Clouds FM Ijumaa hii, Meneja wa msanii huyo, Babu Tale alisema wimbo huo utakuwa sio wa biashara bali ni zawadi kwa mashabiki.

Diamond Pltnumz akiwa na Manager wake Babu Tale

“Kama Hip Hop ni biashara Diamond amefanya wimbo wa kurap lakini hatujauchulia kama ile ni biashara, wimbo umeshaisha na unaitwa Simba,” alisema Babu Tale. Diamond kwa sasa anafanya poa na video ya wimbo ‘Make Me Sing’ akiwa na AKA wa Afrika Kusini, 'Zigo Remix' aliyoshirikishwa na AY pamoja na 'Bado' aliyoshirikishwa na msanii wake kutoka kwenye lebo yale ya WCB "Wasafi Classic Baby", Harmonize.

Chanzo: Bongo5