Steven Bergwijn Arejea Ajax

[Picha: Instagram]

Mwandishi: Stellah Julius

Pata na upakue Ubashiri wa Mechi mbalimbali ndani  ya Mdundo

Steven Charles Bergwijn areje rasmi Ajax Akitokea Tottenham Hotspurs. Usajili huo umekamilika baada ya Tottenham Hotspurs kukubali kiasi cha Paundi milioni 26.4 kwa mkataba utakaodumu miaka 5.

Makubaliano hayo yamefikiwa baada ya Ajax Kukataliwa kiasi Cha Paundi milioni 20 waliyotaka kuitoa ili kumpata winga huyo katika awamu ya kwanza mapema Juni.

Mchezaji huyo mwenye asili ya Netherlands alijiunga na Tottenham Hotspurs January mwaka 2020 Akitokea PSV Eindhoven ya huko huko Netherlands.

Soma pia: Cristiano Ronaldo Aipalia Kaa La Moto Manchester United

Licha ya kudumu kwa takribani miaka 2 na nusu akiwa na Tottenham Hotspurs Bergwijn tayari ameshatia kambani jumla ya mabao 8 tu katika mechi 83 alizozicheza akiwa na Hotspurs.

Bergwijn anarejea Ajax baada ya kitambo kidogo kupita akiwa anakipiga katika timu hiyo miaka kadhaa nyuma. Katika Academy ya timu hiyo ya Ajax ndiyo iliyomkuza katika maisha yake ya kusakata kabumbu.

Antonio Conte tayari ameshaonesha kutokuwa shauku ya kuwa na winga huyo. Hii imejidhihirisha kwa kuwa na matumizi machache ya mchezaji huyo katika kikosi Cha kwanza katika mechi mbalimbali.

Ajax wameonesha Nia ya dhati kabisa ya kumrudisha Stevie katika Ligi ya nyumbani. Huku kiwango chake akiwa katika Ligi ya Uingereza na Spurs kutokuwa Bora Sana haswa katika hatua hizi za mwisho kabla ya uhamisho kuelekea Ajax.