Nyimbo Mpya: Jux ‘I Love You’, Maua Sama ‘Shukurani’ na Nyimbo Zingine Mpya Zilizoachiwa Wiki Hii
7 February 2022
[Picha: Citi Muzik]
Mwandishi: Charles Maganga
Pata Habari za Muziki na Mixtapes Bure Kwenye Telegram
Imekuwa ni wiki yenye pilika pilika nyingi sana kwenye uwanja wa muziki nchini Tanzania kwani wasanii mbalimbali wametoa nyimbo na miradi ya muziki kwa lengo la kukosha hisia za mashabiki zao. Zifuatazo ni nyimbo tano kali kutoka kwa wasanii wa Tanzania kwa wiki hii :
Soma Pia: Video ya ‘Waah’ ya Diamond Platnumz Yafikisha Watazamaji Milioni 100
I Love You - Jux ft Gyakie
Mashahiri ya ngoma hiii yanaendana kabisa na wakati uliopo kuelekea msimu wa Valentine. Bila shaka Jux amezidi kuonesha umahiri wake kwenye RnB kupitia ngoma hii na Gyakie kutokea Ghana, ngoma ambayo kufikia sasa imeshatazamwa mara tisini na tano elfu kwenye mtandao wa YouTube.
Pakua Nyimbo za Jux Bila Malipo Kwenye Mdundo
Shukurani - Maua Sama
Ukiweka kando sauti nzuri ya Maua Sama, kitu kingine kinachovutia kwenye ‘Shukurani’ ni ujumbe wake ambao Maua Sama anashukuru kwa Mwenyezi Mungu kwa kuweza kufika hapo alipofika leo. Kama unatafuta wimbo ambao utakupa hamasa, faraja na tumaini la kuendelea mbele basi ‘Shukurani’ kutoka kwa Sama ni kwa ajili yako.
Pakua Nyimbo za Maua Sama Bila Mlaipo Kwenye Mdundo
Saraphina – Wamerudiana
Kwenye ngoma hii ambayo imetayarishwa na Aloney M, Saraphina anaimba kwa hisia sana akilalamika namna ambavyo mpenzi wake amemuacha na kumrudia mpenzi wake wa zamani.
Pain Killer - Kusah ft Kataleya & Kandle
Kusah ameendelea kuthibitisha ubora wake kwenye utunzi wa ‘Pain Killer’, ngoma ambayo ukiweka kando ujumbe wake uliobeba hisia kali za mapenzi pia ushirikiano wa kushiba uliooneshwa kati ya Kusah na kundi la Kataleya & Kandle kutoka Uganda.
Ivo Ivo - Baddest 47
Mfalme wa Street Vibes, Baddest 47 amerudi tena na ngoma yake ya ‘Ivo Ivo’ ambayo inatarajiwa kurindima kwenye spika za klabu na sehemu mbalimbali za starehe hapa nchini Tanzania. Wimbo huu umeundwa na mdundo wenye nguvu pamoja na mashairi shirikishi ambayo bila shaka yatamfanya mtu yeyote kuamka na kuanza kucheza.
Leave your comment