K2ga Aeleza Sababu ya Kuiita EP Yake ‘Safari’

[Picha: Nyimbo Mpya]

Mwandishi: Charles Maganga

Pata Habari za Muziki na Mixtapes Bure Kwenye Telegram

Mwanamuziki nyota kutokea lebo ya Kings Music K2ga amefunguka kuhusu sababu hasa iliyopelekea kuipa jina la ‘Safari’ EP yake aliyoitoa hivi karibuni.

Kupitia mahojiano aliyoyafanya hivi karibuni, K2ga ameeleza kuwa aliamua kuiita EP yake ‘Safari’ kama ishara ya kuwaambia mashabiki kuwa ukimya wake wa muda mrefu sasa umefika ukingoni.

Soma Pia: Nyimbo Mpya: K2ga Aachia EP Yake ‘Safari’

“Safari yangu kwa muda ambao nilikuwa naisubiria, safari ambayo nilikuwa naipanga mwenyewe kuja, kwa hiyo hii ni safari na bado sijafika naweza nikatoa albamu yangu nyingine na nikakwambia nimefika," alizungumza K2ga.

Aidha kwenye mahojiano hayo, K2ga alibainisha kwa namna moja au nyingine ana mchango kiasi kwenye maandalizi ya albamu ya Alikiba ya kuitwa ‘Only One King’ ambayo imefanya vizuri sana.

"Siwezi kusema kuna mchango mkubwa sana. Sanasana kwenye usikilizaji hiyo kama kuna sehemu kuna makosa mimi kwa binafsi naweza nikaulizwa nyimbo hii ipoje kitu gani ambacho tuongeze au tupunguze," alizungumza K2ga ambaye pia ni mtunzi wa nyimbo.

Soma Pia: K2ga Aelezea Sababu ya Ukimya wa Kings Music

EP ya ‘Safari’ ni EP ya kwanza kutoka kwa K2ga na ni EP ambayo imesheheni ngoma tatu ambazo ni ‘Danga’, ‘Ni wewe’ pamoja na ‘Goma’.

Kufikia sasa, ‘Safari’ ni EP pendwa ndani ya soko la muziki nchini Tanzania.