Zuchu ‘Sukari’ na Video Zingine za Wasanii wa Kike Bongo Zilizotazamwa Zaidi YouTube
13 July 2021
[Picha: Music in Africa]
Mwandishi: Charles Maganga
Pata Habari za Muziki na Mixtapes Bure Kwenye Telegram
Siku mbili zilizopita msanii Zuchu kutokea WCB aliweka rekodi ya kuwa msanii wa kike aliyetazamwa sana kwenye mtandao wa Youtube Afrika Mashariki baada ya video zake zote kutazamwa takriban mara Milioni 200 kwenye mtandao huo.
Soma Pia: Diamond Platnumz Akutana na Snoop Dogg Katika Ziara yake Marekani
Makala hii imelenga kuonesha video za muziki za wasanii wa kike kutokea Tanzania zilizotazamwa zaidi kwenye mtandao wa YouTube:
Soma Pia: Nyimbo Mpya: Aslay Aachia Ngoma Mpya ‘Shangingi Mtoto’
Sukari – Zuchu
Video ya wimbo wa Sukari ilitoka Januari 30 mwaka 2021 na iliongozwa na Kenny kutokea Zoom Extra. Kufikia sasa video hii imeshatazamwa mara Milioni 44 kwenye mtandao huo ikiwa ni miezi sita tangu kuachiwa kwake.
Cheche - Zuchu ft Diamond Platnumz
Video ya Cheche ni mojawapo kati ya video zilizopendwa sana na mashabiki kutokana na miondoko yake ya kucheza.. Kufikia sasa video ya ‘Cheche’ imetazamwa mara Milioni 22.
Iokote - Maua Sama
Akishirikiana na msanii mchanga Hanstone, Maua sama alitoa video ya Iokote October 6 mwaka 2018. Kazi ya kuongoza video hii alipewa Director Hanscana kutokea Hanscana Brand. Kufikia sasa video hii ishatazamwa mara Milioni 22.
Litawachoma - Zuchu ft Diamond Platnumz
Kwenye wimbo huu, Zuchu anashirikiana kwa mara nyingine na Diamond Platnumz ambaye ndiye mkuu wa WCB. Kufikia sasa video ya wimbo huu imetazamwa mara Milioni 17 kwenye mtandao wa YouTube.
Kivuruge - Nandy
The ‘African Princess’ anaingia kwenye orodha hii na wimbo wake wa ‘Kivuruge’ uliotoka Disemba 19, 2017. Video ya wimbo huu iliongozwa na Director Msafiri kutokea Kwetu Studios na kufikia sasa ishatazamwa takriban mara Milioni 13 huko YouTube.
Leave your comment