Nyimbo Mpya: Ngoma 5 Kali Zilizoachiwa na Wasanii wa Konde Gang Mei 2021[Video]
1 June 2021
[Picha: InstaBongo]
Mwandishi: Omondi Otieno
Pata Habari za Muziki na Mixtapes Bure Kwenye Telegram
Wasanii wa Bongo Fleva wanaendelea kuonyesha umahiri wao eneo la Afrika Mashariki kwa kuachia ngoma mpya zinazotamba.
Mwezi huu ulioisha wa Mei, wasanii kadhaa wameachia nyimbo mpya. Katika nakala hii, tunaangazia nyimbo zilizoachiwa na wasanii wa Konde Music Worldwide zinazotambaa Tanzania:
Soma Pia: Rayvanny Atajwa Msanii wa Pili Bongo Mwenye Mauzo Makubwa ya Muziki
Attitude - Harmonize ft Awilo Longomba and H Baba
‘Attitude’ ni mojawapo ya nyimbo bora zilizoachiwa Bongo mwaka huu. Ndani ya mwezi mmoja, wimbo ‘Attitude’ wa Harmonize umefikisha watazamaji zaidi ya milioni kumi na moja kwenye YouTube. Katika wimbo huu, Harmonize aliwashirikisha wasanii Awilo Longomba na H-baba.
Nobody - Anjella
Hii ni kazi yake Anjella kutoka Konde Gang iliyopokelewa kwa ukubwa sana. ‘Nobody’ ni wimbo wa mapenzi na kufikia sasa una watazamaji zaidi ya milioni tatu kwenye mtandao wa YouTube.
Do Lemi Go - MC Kinata ft Ibraah
Huu ni wimbo wa Singeli wake MC Kinata ambao alimshikisha Ibrah kutoka Konde Music Worldwide. Kwenye mistari yao Kinata, anaimba kuhusu upendo huku Ibraah akitupa michambo. Kufikia sasa ni wimbo ulio na watazamaji zaidi ya laki tatu kwenye YouTube.
Bado – Country Wizzy ft Seyi Shay
Hii no mojawapo ya nyimbo kutoka kwenye ‘Father’ EP yake Country Wizzy. Video hii iliachiwa wiki moja iliopita na ina zaidi ya watazamaji laki tatu.
Mapenzi – Ibraah
Kama jina inavyoashiria, wimbo huu ni wa wapendanao. Ibraah ametumia ushairi wa hali ya juu kuzungumzia mapenzi. Video hii imepokelewa vizuri na inawatazamaji zaidi ya laki nane kwenye YouTube.
Leave your comment