Ujumbe Wa Diamond Kwa “Wapinzani” YouTube

[Picha: Instagram]

Mwandishi: Charles Maganga

Pata Habari za Muziki na Mixtapes Kwenye Telegram

Mwanamuziki nyota kutoka Tanzania, Diamond Platnumz hivi karibuni ameingia kwenye vichwa vya habari nchini kwa kutoa mawazo yake mara tu baada ya kuibuka msanii aliyeongoza  kutazamwa zaidi Youtube kwa mwezi Februari.

Kulingana na Chart Data, Diamond Platnumz kwa mwezi Februari pekee alikusanya views takriban Milion 47 akiwa ndiye msanii anayeongoza Tanzania, akifuatiwa na Rayvanny ambaye alikuwa na views Milioni 20 kisha Harmonize akishika namba 3 baada ya kukusanya views Milioni 16 kwa mwezi Februari pekee.

[Image Source: Instagram/Screenshot]

Wasanii wengine walioko kwenye orodha hiyo ni pamoja na Zuchu, Mavokali, Mbosso, Rose Muhando, Ali Kiba, Jay Melody na Marioo ambaye alikusanya views Milioni 5.

Kupitia ukurasa wake wa Instagram, upande wa Instastory Diamond Platnumz aliweka chapisho la chati hiyo na kuandika:

“Basi mnaolazimisha Upinzani mngejikazaga ata kidogo kwenye vimauzo vyenu jamani, Asa manyimbo yote mnayotoaga kila kukicha faida yake nini”

Katika ujumbe wake huo Diamond Platnumz hakutaja ni “mpinzani” gani hasa aliyekuwa amamlenga katika ujumbe huo ambao umezua taharuki kwenye mitandao ya kijamii