Nyimbo Zinazotamba Tanzania Wiki Hii
17 February 2023
[Picha: Instagram]
Mwandishi: Charles Maganga
Pata Habari za Muziki na Mixtapes Kwenye Telegram
Kama unafuatilia kwa ukaribu muziki kutoka Tanzania huenda ukawa unajiuliza ni ngoma gani ambazo kwa sasa watanzania wanazisikiliza na kuzifuatilia sana nchini humo.
Kutoka kwa wasanii kama Diamond Platnumz, Aslay na wengineo wengi hii hapa ni orodha ya ngoma 5 ambazo zinafanya vizuri nchini Tanzania kwa wiki hii kwenye mtandao wa Youtube :
Zuwena - Diamond Platnumz
Bongo Fleva safi iliyofanywa na Diamond Platnumz humu ndani ukichanganya na stori nzuri kuhusu Zuwena zimepamba sana ngoma hii ambayo ndani ya wiki mbili tu tangu kuachiwa kwake tayari imeshakusanya watazamaji takriban Milioni 7 Youtube.
Yatapita - Diamond Platnumz
Uhalisia ni kitu ambacho kimepelekea mashabiki wengi kuvutiwa sio tu na mashahiri bali na video pia ya Yatapita. Video ya Yatapita imefanyika hapa hapa nchini Tanzania maeneo ya Posta, Upanga na Ubungo Dar Es Salaam na kufikia sasa imeshatazamwa mara Milioni 11 Youtube.
Inauma - Aslay
Takriban wiki mbili tangu kuachiwa kwake lakini bado Inauma ya Aslay inaendelea kufanya vizuri Youtube. Huenda ni mashahiri au midondoko ya Aslay iliyovutia zaidi mashabiki kupenda kazi hii ya Aslay ambaye kwa sasa yupo chini ya Rockstar Africa
Utaniua - Zuchu
Zuhura Othman Soud aliamua kuchachua msimu huu wa Valentine na Utaniu, ngoma nzuri ya mapenzi ambayo kwa mara nyingine Imethibitisha kuwa linapokuja suala la uandishi Zuchu bila shaka anastahili kupewa heshima. Utaniua imeshasikilizwa takriban mara laki 6 Youtube
Single Again - Harmonize
Harmonize amerudi tena na Single Again, ambayo ni ngoma yake ya kwanza mwaka huu. Ngoma hii imepokelewa vyema kabisa na mashabiki kwani ndani ya siku 3 imeshasikilizwa mara Milioni 1.3 Youtube
Leave your comment