Valentines 2023: Rayvanny Aachia Ngoma Mpya "Forever"
10 February 2023
[Picha: Instagram]
Mwandishi: Charles Maganga
Pata Habari za Muziki na Mixtapes Kwenye Telegram
Wakati mashabiki wakiwa mkao wa kula kusubiri Flowers III, mwanamuziki kutokea lebo ya Next Level Music, Rayvanny ameamua kuridhisha mashabiki zake kwa kuachia ngoma mpya ya kuitwa Forever.
Forever ni neno la kiingereza lenye maana ya "Milele" kwa kiswahili na kama wengi walivyotarajia, Forever ni ngoma ya mapenzi ambayo ndani yake Vanny anamthibitishia mpenzi wake kwamba atakuwa naye milele bila kumuacha. Aidha Rayvanny anatoa sifa kedekede kwa mpenzi wake huyo.
Forever imetayarishwa na mtayarishaji wa muziki kutoka Tanzania wa kuitwa Soundbwoy ambaye pia amehusika kuandaa ngoma mbalimbali za Rayvanny ikiwemo I Miss You akiwa na Zuchu pamoja na ngoma nyingine nyingi.
Kwa mujibu wa Rayvanny, Forever ni ngoma maalum kwa ajili ya msimu huu wa Valentine na kwa sasa MASHABIKI wanaisubiri EP yake ya Flowers III ambayo inatarajiwa kuingia sokoni hivi karibuni.
Leave your comment