Country Wizzy Afichua Jina La Albamu Yake Mpya

[Picha: Instagram]

Mwandishi: Charles Maganga

Pata Habari za Muziki na Mixtapes Kwenye Telegram

Rapa nguli kutokea nchini Tanzania Country Wizzy hivi karibuni kwa mara nyingine amekonga hisia za mashabiki wake baada ya kudokeza ujio wa albamu yake ya kuitwa Yule Boy II

Country Wizzy aliachia album ya Yule Boy Part 1 mwaka 2019 ambapo katika album hiyo alishirikisha wasanii tofauti tofauti kama Mwana FA, Harmonize, Khaligraph Jones kutokea nchini Kenya, G Nako na wengineo wengi. Yule Boy Part 1 ilifanya vizuri sana na ndani yake Country Wizzy aliweza kuburudisha mashabiki na ngoma kama Dogori pamoja na Watoto

Hivi karibuni Country Wizzy kupitia akaunti yake ya Twitter amedokeza kutoa mwendelezo wa albamu hiyo ambayo ameipa jina la Yule Boy II ambapo amedokeza kwamba tayari ameshaanza kuandaa mradi huo ambao unasubiriwa mno na mashabiki.

"Studio time for Yule Boy Album Part 2…, see yall when the music is ready" aliandika Country Wizzy kwenye akaunti yake ya Twitter.

Tangu aondoke kwenye lebo ya Harmonize ya  Konde Music Worldwide, Country Wizzy ameendelea kufanya vizuri kwenye soko la muziki Tanzania na kufikia sasa tayari ameshatoa ngoma kama One Call Away pamoja na Poa ambayo amemshirikisha Marioo.