Nyimbo Mpya: Harmonize 'Miss Bantu', Christian Bella 'Natamani' na Nyimbo Zingine Mpya Wiki Hii
29 July 2022
[Picha: Instagram]
Mwandishi: Charles Maganga
Pakua Ngoma Zake Mac Voice Bila Malipo Kwenye Mdundo
Kama unapenda muziki kutoka nchini Tanzania hasa muziki wa Bongo Fleva basi wiki hii huenda ilikuwa ni sukari sana kwa upande kwani wasanii wa Tanzania wengi wao wameweza kuachia ngoma kali mpya ambazo bila shaka zimeendelea kufanya soko la muziki kuwa jipya kabisa.
Kutoka kwa Harmonize, Ibraah, Tunda Man na wengineo, Zifuatazo ni ngoma tano mpya kutoka Tanzania wiki hii :
Miss Bantu - Harmonize Ft Spice
Harmonize hatimaye ameachia ngoma yake mpya ya kuitwa "Miss Bantu" ambayo amemshirikisha malkia wa Dancehall kutokea nchini Jamaica. Ngoma imetayarishwa na B Boy Beats na ndani yake anaeleza jinsi ambavyo ameshikwa kimapenzi na binti aliyekutana nae Nairobi.
Desh Desh (Video) - Lavalava
Kutokea WCB Wasafi Lavalava ameachia video ya Desh Desh ambapo Lavalava anaonekana akila raha na mpenzi wake katika mazingira tofauti tofauti huku akimuimbia mpenzibwake huyo. Video imeongozwa na Directir Hanscana kutoka Tanzania.
Kizaazaa - Tunda Man Ft Ali Kiba.
Baada ya "Bad Man" kufanya vizuri hatimaye Tunda Man ameachia ngoma mpya kabisa ya kuitwa "Kizaazaa" ambayo amwmshirikisha Ali Kiba. Ngoma hii inaparikana kwenye EP mpya ya Tunda Man ya kuitwa "Tunda Man" na inatarajiwa kufanya vizuri.
Sitosema - Ibraah
Kutokea Konde Gang msanii Ibraah ameachia video yake ya kwanza kutoka kwenye album yake ya "The King Of New School" ya kuitwa "Sitosema". Video imeongozwa na Director Ivan kutokea Tanzania na imetengenezwa na stori nzuri yenye ubunifu mkubwa huku ubora wa picha ukiwa umezingatiwa.
Natamani - Christian Bella Ft Saraphina
Kwenye ngoma hii Saraphina anaonesha ni kwa jinsi gani anatamani kuolewa lakini Christian Bella ambaye anachukua nafasi ya mpenzi wake anasita huku akimsisitiza Saraphina kuwa na subira kuhusu jambo hilo la ndoa.
Leave your comment