Ommy Dimpoz ‘Umeniweza’ na Nyimbo Zingine Mpya Tanzania Wiki Hii
21 March 2022
[Picha: Citi Muzik]
Mwandishi: Charles Maganga
Pakua Nyimbo za Vanessa Mdee Bila Malipo Kwenye Mdundo
Katika harakati za kuhakikisha kuwa wanaburudisha mashabiki wao wasanii wa Tanzania wamezidi kuachia ngoma ambazo bila shaka zimeweza kufanya tasnia ya muziki nchini kuchangamka. Zifuatazo ni ngoma mpya ambazo zimeachiwa na wasanii wa Tanzania kwa wiki hii:
On My Way - Manengo ft Nay Wa Mitego & Moni Centrozone
Huu ni wimbo ambao wasanii hawa wa Hiphop wanazungumzia mambo mbalimbali ya kimaisha kama mahusiano, pesa, kujikweza na mambo mengineo. Tangu kuachiwa kwake , imekuwa ni ngoma pendwa kwa wapenda muziki wa rap Tanzania nzima.
Soma Pia: Diamond, Harmonize Watawala Nyimbo Zinazovuma YouTube Tanzania Wiki Hii
Umeniweza - Ommy Dimpoz
Ommy Dimpoz amerudi na wiki hii gwiji huyu aliachia kibao chake kipya cha kuitwa ‘Umeniweza’ ambacho ndani yake haoni haya kueleza namna gani ambavyo amepagawa na penzi analopewa na mwenza wake, huku akimsifia na kummwagia pongezi za kutosha.
Blaza - Young Dee ft Cheqbob
Huu ni wimbo ambao Young Dee amelenga kuzua taharuki kwani kupitia ngoma ameweza kutupa maneno ya kashfa kama Young Killer kuwa amepotea kimuziki lakini pia amewataja Young Lunya na Country Wizzy kuwa ni marafiki zake.
Oh My - Young Killer ft Mzee Yusuph
Kwenye ngoma hii Young Killer anaeleza kwa undani jinsi ambavyo amezama kwenye penzi zito na mwandani wake. Young Killer anatumia uwezo wake wa kurap kumwambia mpenzi wake atakavyoumia siku penzi lao likienda na maji.
Sinyorita Remix - Lony Music ft Dully Sykes
Baada ya kuachia Sinyorita wiki tatu zilizopita, wiki hii Lony Music ambaye anachipukia kwenye Bongo Fleva aliachia ‘Sinyorita Remix’ ngoma ambayo ndani yake amemshirikisha Dully Sykes. Mashahiri ya ngoma hiyo kwa ujumla ni ya kumsifia mwanamke.
Leave your comment