Nyimbo Mpya: Harmonize Aachia Ngoma Mpya ‘Wishes’
2 November 2021
[Picha: Nairobi News]
Mwandishi: Charles Maganga
Pata Habari za Muziki na Mixtapes Bure Kwenye Telegram
Bosi wa lebo ya Konde Gang Harmonize ameachia ngoma mpya lenye jina ‘Wishes’.
Harmonize ambaye kwa sasa yuko nchini Marekani kwa ajili ya ziara yake ya kimuziki ameachia ngoma hii ikiwa ni miezi miwili tangu aachie ngoma yake ya Amapiano inayoitwa ‘Teacher’.
Soma Pia: Sababu Nne Kuu Zinazowafanya Wasanii Wengi Tanzania Kuanzisha Lebo za Muziki
Kwenye ‘Wishes’, Harmonize anazungumzia kwa undani kuhusu vitu ambavyo anatamani kuvifanya kwenye maisha yake na vitu ambavyo anatamani kuwa navyo.
Harmonize ameongelea kwa upana namna ambavyo ana shauku ya kuwa bosi siku zote na kumiliki pesa nyingi.
Kwenye aya ya kwanza ya ngoma hii, Harmonize anaimba "I wanna thank you Lord for the best, I wanna live my life no stress, I wanna have no time to waste, I wanna flex. I wanna tell you my life a movie I wanna thank you for dancing in my music."
Kwenye aya ya pili, Harmonize anaendelea kukoleza ujumbe wake kuhusu kutamani kufanya vitu na anaweka wazi ni kwa namna gani anatamani siku moja jarida la Billboard limuandike na kutambua kazi zake.
Ngoma hii ya ‘Wishes’ utayarishaji wake umesimamiwa na nguli wa muziki nchini Tanzania anayeitwa Wambaga, ambaye kwa muda mrefu sasa amekuwa akitayarisha ngoma za Konde Gang.
Ngoma ya ‘Wishes’ inakuja siku tatu kabla ya Harmonize kuachia albamu yake ya High School. Ngoma hii haipo kwenye orodha ya ngoma ambazo zitaunda albamu hiyo inayosubiriwa kwa hamu sana.
Leave your comment