Rayvanny Adai Alikiba ni Fundi Bora wa Muziki Kuliko Harmonize

[Picha: Pulse Live]

Mwandishi: Brian Sikulu

Pata Habari za Muziki na Mixtapes Bure Kwenye Telegram

Mkurugenzi mkuu wa Next Level Music Rayvanny ameibua hisia mtandaoni baada ya kudai kuwa msanii Alikiba ni fundi bora wa muziki kuliko Harmonize.

Rayvanny alikuwa akishiriki katika mchezo kwenye kipindi cha Big Sunday Live ambako aliulizwa kuchagua msanii anayemkubali kati ya Alikiba na Harmonize. Wengi walitarajia kuwa ingekuwa uamuzi mgumu kwa Rayvanny, lakini bila hata kusita Rayvanny alimchagua Alikiba.

Soma Pia: Zuchu Aeleza Mbona Diamond Hakuhudhuria Tamasha la Zuchu Homecoming

Akitetea uchaguzi wake, Rayvanny alisema kuwa japo Harmonize anafanya kazi kwa bidii, yeye anatumia nguvu nyingi sana kusudi aonekane bora. Kwa upande mwingine, alimsifia Alikiba kwa kusema kuwa yeye ni mtunzi bora wa nyimbo.

"Harmonize ni hard worker, Harmonize anajituma, Harmonize anatumia nguvu nyingi ku prove kwamba he is the best. Lakini umeuliza nani fundi kwenye muziki, Alikiba ni legend. Anaweza kuimba," Rayvanny alieleza.

Alikiba amejulikana kuwa mpinzani mkuu wa Diamond Platnumz pamoja na lebo ya WCB alikosainiwa Rayvanny. Japo Alikiba ni mpinzani wa Diamond, hajawahi kuwa na utofauti wa kibinafsi na Rayvanny kama msanii.

Soma Pia: Diamond Aweka Rekodi Mpya YouTube Baada ya Kupata Watazamaji Bilioni Moja Nukta Tano

Aidha, kuna wakati Alikiba aliuimba wimbo wa Rayvanny alipokuwa katika Instagram Live. Harmonize kwa upande mwingine alikuwa mwanachama wa WCB ila aliondoka baadaye na kuanzisha lebo yake. Kwa wakati mmoja Harmonize na Rayvanny walikuwa na utofauti wa kibinafsi na hata wakajibizana mtandaoni.