Nyimbo Mpya: Ngoma Mpya Zilioachiwa na Diamond, Rayvanny, Harmonize na Alikiba Wiki Hii
29 June 2021
[Picha: Diamond Platnumz Instagram]
Mwandishi: Charles Maganga
Pata Habari za Muziki na Mixtapes Bure Kwenye Telegram
Soko la bongo fleva linazidi kukua na hii inasababishwa na ukweli kwamba wasanii wanatoa ngoma nyingi na nzuri ambazo huvutia mashabiki.
Soma Pia: Nyimbo Mpya: Ngoma 5 Zinazovuma Bongo Wiki Hii [Video]
Wiki hii mambo yamekuwa sukari sana kwenye kiwanda cha muziki nchini Tanzania baada ya wasaniii wakubwa kama Diamond Platnumz, Harmonize, Moni Centrozone, Alikiba na wengine wengi kuachia nyimbo, ilikuwa ni kazi ya shabiki tu kuchagua aanze kusikiliza bidhaa ya msanii gani ili afurahi.
Soma Pia: Barakah The Prince Adai Wimbo Wake ‘Yanachosha’ Ndio Ngoma Mpya Bora Zaidi Bongo
Hizi ni nyimbo mpya tano ambazo zimetoka na zimefanya vizuri sana wiki hii:
Kamata - Diamond Platnumz
Baada ya ukimya wa miezi saba, tarehe 25 Juni msanii Diamond Platnumz aliamua kuachia wimbo wake wa kwanza mwaka huu uitwao ‘Kamata’. Wimbo wa ‘Kamata’ ni mchanganyiko wa Afro-pop pamoja na bongo fleva.
Sandakalawe - Harmonize
Huu ni wimbo wa Harmonize almaarufu Konde Boy. Sandakalwe ni wimbo wenye vionjo vya Amapiano na kupitia wimbo huu Harmonize ameonesha kuwa yeye anaweza kubadilika kwa kuimba mitindo tofauti tofauti ya muziki. Kwa sasa wimbo huu haupatikani YouTube kwa kuwa umetolewa baada ya ya mamalishi kuhusu hatimiliki na Kampuni ya Empire.
Kiss Me - Bahati ft Rayvanny
Kwa mara nyingine msanii Bahati kutokea Kenya anaungana na Rayvanny kutuletea ngoma kali sana. Wimbo huu wa ‘Kiss Me’ ni mojawapo ya nyimbo kwenye albamu yake Bahati yenye jina ‘Love Like This’. Masaa saba tangu kuachiwa, ngoma hii ina zaidi ya watzamaji laki mbili.
My Life - Moni Centrozone ft Jux
Huu ni wimbo wa kwanza wa Moni Centrozone tangu aingie rasmi kwenye mkataba na kampuni ya kusimamia kazi za wasanii Rooftop entertainment. Kwenye wimbo huu Moni anaelezea maisha yake ya "kuhustle" yalivyokuwa tangu anaanza muziki mpaka sasa.
Salute - Alikiba ft Rudeboy
Wimbo ulitoka Juni 24 mwaka huu ambapo Alikiba alishirikiana Rudeboy kutoka Nigeria. Katika wimbo huu, Alikiba anampa asante mpenzi wake ambaye alikuwa nae kwenye shida na sasa anamwambia shukran kwa kuweza kumvumilia.
Leave your comment