Diamond Ajibu Madai ya Kuiba Maneno ‘Swahili Nation’ Kutoka kwa Alikiba

[Picha: Diamond Instagram]

Mwandishi: Brian Sikulu

Pata Habari za Muziki na Mixtapes Bure Kwenye Telegram

Mwanamuziki wa Tanzania Diamond Platnumz amekana madai kwamba aliiba jina la ‘Swahili Nation’ kutoka kwa mpinzani wake wa jadi Alikiba. Hivi karibuni, Diamond Platnumz alitumia kurasa zake za mitandao ya kijamii ambapo alitetea umoja wa wanamuziki wa Kitanzania.

Soma Pia: Diamond Aeleza Mbona Hajaachia Wimbo Mpya Mwaka Huu

Alitaja kampeni hiyo mkondoni kama "Swahili Nation" na kuzia utata kwani jina hilo linahusishwa na Alikiba wa Kings Music.

Diamond katika mahojiano ya hivi karibuni aliwajibu wakosoaji wake na kusema kuwa wanamuziki wote wa Tanzania wana haki ya kutumia neno hilo ‘Swahili Nation’.

Soma Pia: Diamond Azungumzia Kupigwa Vita Baada ya Uteuzi wake kwenye Tuzo za BET

Alielezea kuwa Swahili Nation ndio kitambulisho cha tasnia ya burudani ya Tanzania kama vile nchi zingine zilivyo na vitambulisho vyao.

"Taifa la Waswahili liko kwa mtu yeyote ambaye ni mswahili. Yaani mtu yeyote ambaye anaongea Kiswahili ambaye anatumia nchi ambayo inazungumza Kiswahili, kama wewe ni mtu ambaye ni Mswahili, kama unaunga mkono muziki wa Kiswahili au mwanamume kutoka nchi ya Uswahili, basi wewe ni Swahili Nation," Diamond alisema kwenye mahojiano hayo.

Hapo awali King's Media ya Alikiba ilijitokeza kudai umiliki wa neno hilo ‘Swahili Nation’.