Stamina Aachia Albamu mpya "Msanii Bora Wa Hiphop"

[Image Source: Instagram]

Writer: Elizabeth Betha

Download Kamba Dj Mixes On Mdundo

Mwanamuziki maarufu wa Hip Hop nchini Tanzania, Stamina, ametoa albamu yake mpya aliyoitambulisha kama Msanii Bora wa Hip Hop, siku ya tarehe 14 Novemba  ambayo pia ni siku yake ya kuzaliwa. Albamu hii inatarajiwa kuleta hamasa kubwa katika tasnia ya muziki hususani wa miondoko ya michano yaani Hip Hop, ikiwa na nyimbo 17 ambazo mashabiki zake hawajawahi kuzisikia popote kabla.

Stamina alitumia akaunti yake ya Instagram kutangaza habari hii, akiwataka wafuasi na mashabiki zake kuwa karibu na ukurasa wake ili kupata maelezo zaidi kuhusu orodha ya nyimbo na wasanii aliowashirikisha kwenye albamu yake. 

Kwa kuzingatia jina la albamu, matarajio ni kwamba itatoa taswira ya makali yake na kina cha uandishi wake. Stamina anajulikana kwa uwezo wake wa kuandika mistari yenye nguvu na kufikisha ujumbe mzito, na albamu hii inatarajiwa kuwasilisha hisia hizi kwa ukubwa zaidi.

Mashabiki wana hamu kubwa ya kujua kile albamu hii itakacholeta. Jina Msanii Bora wa Hip Hop linaashiria sio tu kuenzi mafanikio ya Stamina, bali pia kauli yenye nguvu kuhusu nafasi yake na kuwa yeye ni bora katika tasnia ya muziki wa Tanzania hususani katika miondoko ya Hip Hop. Kama mmoja wa wasanii wenye ushawishi wa Hip Hop, Stamina amekuwa akiendelea kuvunja mipaka ya ubora, na albamu hii inaweza kuimarisha zaidi hadhi na nafasi yake katika sekta hii ya sanaa hapa nchini.

Kuachiliwa kwa albamu ya  Msanii Bora wa Hip Hop ni tukio muhimu kwa Stamina na mashabiki zake. Mkusanyiko wa nyimbo zake unatarajiwa kuleta ladha mpya na ya kipekee huku akionesha safari yake ya sanaa. Matarajio ni makubwa, na mashabiki zake wamefurahishwa na habari hiyo, imedhihirika hivyo kupitia maoni mbalimbali yaliyotolewa na mashabiki zake kwenye nakala aliyotangaza kuhusu ujio wa albamu yake.

Download Playlist Ya Msanii wa Hip Hop Album

Siku imewadia ni wazi kwamba albamu hii mpya ya Stamina ni zaidi ya mkusanyiko wa nyimbo tu bali pia ni ushahidi wa ukuaji, ubunifu, na kujitolea kwake kwa sanaa ya nchini Tanzania. Wapenzi wa Hip Hop nchini Tanzania na kwingineko wanakaribishwa kuaindika tarehe 14 Novemba kama siku ya kihistoria na wajiandae kupokea kazi bora kutoka kwa mkali wa Hip Hop Stamina.

Jiunge na Stamina katika siku yake hii muhimu kwa kuwa sehemu ya kusherekea wakati anapotambulisha Msanii Bora wa Hip Hop kazi ambayo inatarajiwa kutoa inspiration na kuongeza nguvu zaidi katika muziki wa Hip Hop Tanzania. Usikose tukio hili muhimu!

https://mdundo.com/song/3339738