"Nakaribia Kujuta" Harmonize Ajibu Kauli Ya Diamond Platnumz

Image Source: Online 

Writer: Charles Maganga 

Msanii nguli kutoka Tanzania, Harmonize hivi ameonekana kukerwa na kauli ya msanii Diamond Platnumz ambayo ameitoa hivi karibuni akiwa jukwaani.

Diamond Platnumz, siku ya jana akiwa kwenye tamasha la "Serengeti Bites Vibes" alimtaja Harmonize kama moja ya wasanii aliowahi kuwashika mkono au kuwasaidia.

Diamond Platnumz alitoa kauli kwenye tamasha kwenye tamasha hilo ambalo lilikuwa na maelfu ya watazamaji.

Saa chache baada ya Diamond kutoa kauli hiyo, Harmonize kupitia ukurasa wake wa Instagram, upande wa Instastory alionesha kuchukizwa na kauli hiyo ya Diamond na kusema kuwa anaanza kujuta kusaidiwa na msanii huyo.

"Nilimtoa, Nilimtoa, Nilimtoa. Inachosha. Nakaribia Kujuta" aliandika Harmonize.

Harmonize alianza rasmi muziki mwaka 2015 chini ya lebo ya WCB Wasafi ya Diamond Platnumz.

Ndani ya lebo hiyo, Harmonize alitoa hits tofauti tofauti kama "Aiyola" "Happy Birthday" "Kwangwaru" na nyinginezo nyingi.

Harmonize aliondoka WCB Wasafi mwaka 2019 na kuanzisha lebo yake ya Konde Music Worldwide.