Maua Sama Amfungulia Mwijaku Kesi Ya Milioni 300

Image Source: Online 

Writer: Charles Maganga 

Siku chache tangu mtangazaji na mwanamitandao maarufu kutoka Tanzania, Mwijaku kusema na kuandika maneno yaliyoonekana kama udhalilishaji kwa Maua Sama, msanii huyo ameonekana kuchukua hatua. 

Mwijaku ambaye anajulikana kwa shabiki wake mkubwa wa msanii Ali Kiba siku chache zilizopita akiwa kwenye tukio la uzinduzi wa redio ya Crown FM na Crown TV, akiwa anaongea na vyombo vya habari alionekana kutoa kauli za kiudhalilishaji kwa Maua Sama. 

Hivi karibuni Maua Sama kupitia wakili wake Claudio Msando kutoka kampuni ya Mawakili na Wanasheria ya Msando Law Office iliyopo Jijini Dar es Salaam - Tanzania, wamemuandikia Mwijaku hati ya madai na kumpa Masaa 24 ya kujibu tuhuma hizo za udhalilishaji ikiwa ni pamoja na fidia ya Fedha za Kitanzania Shillingi Milioni Mia Tatu. 

Kwenye ujumbe ambao ulitolewa na kampuni hiyo ya Msando Law Office ulieleza kuwa endapo atashindwa kufanya hivyo, basi atapelekwa Mahakamani na hatua nyingine za kisheria zitafuata.