Ngoma Mpya Tanzania Wiki Hii

Ukweli ni kwamba linapokuja kwenye suala la kutoka kazi kali basi bila shaka wasanii kutoka huwa hawafanyi masihara kama ambayo wiki hii wasanii wameendelea kutoa ngoma kali kwa ajili ya mashabiki zao. 

Kutoka kwa wasanii kama Zuchu, Baddest 47, Whozu na wengineo wengi, hizi hapa ni ngoma mpya kutoka Tanzania kwa wiki hii: 

Zawadi - Zuchu 

Siku ya Jumatano, Zuchu aliachia ngoma yake mpya ya kuitwa Zawadi ambayo ni maalum kwa wapendanao hasa kwenye msimu huu wa Valentine. Kwenye Zawadi Zuchu ameshirikiana na msanii Dadiposlim kutoka Comoros. 

Mapenzi -Baddest 47 

Baddest 47 ambaye anajulikana kwa miondoko yake ya Dance hall amefungua mwaka 2024 na ngoma yake mpya ya kuitwa Mapenzi, ngoma kali ambayo bila shaka itakosha wapendanao na watu wote waliopo kwenye mahusiano. 

Wawili - Phina

Mshindi wa tuzo za Tanzania Music Awards 2022 kama mtumbuizaji bora kike, Phina ameachia Wawili, ngoma kali ya Bongo Fleva ambayo ndani yake Phina anaeleza kwa undani namna ambavyo anampenda mpenzi wake. 

Mapenzi - Nedy Music Ft Barnaba 

Mashabiki bila shaka wanafahamu uwezo wa Nedy Music na Barnaba Classic kwenye suala zima la uandishi na wawili hao wameunganisha ufundi wao kwenye ngoma mpya ya kuitwa Mapenzi ambayo imelenga kusindikiza wapendanao kipindi hiki cha Valentine 

Nisiulizwe - Jux 

Msanii Juma Jux amerudi kwenye uwanja wake wa nyumbani baada ya kuachia ngoma mpya ya kuitwa Nisiulizwe, ngoma yenye mahadhi ya R&B ambayo imetayarishwa na producer mkali kutoka Tanzania, S2kizzy