Nyimbo Mpya Tanzania Wiki Hii: Zuchu 'Napambana', Ibraah 'Nimepona'
7 March 2023
[Picha: Instagram]
Mwandishi: Charles Maganga
Pata Habari za Muziki na Mixtapes Kwenye Telegram
Mwezi Machi umeanza kwa kasi sana kwani wasanii tofauti tofauti kutoka Tanzania wameendelea kuporomosha burudani kali kwa mashabiki zao kwa lengo la kuwaburudisha, kuwafurahisha na kuwaelimisha pia.
Kutoka kwa wasanii kama Zuchu, Ibraah, Kayumba na wengineo wengi hizi hapa ni ngoma mpya kutoka Tanzania kwa wiki hii :
Napambana - Zuchu
Baada ya kukutana na changamoto mbalimbali, Zuchu aliamua kuandika ngoma yake ya Napambana ambayo ndani yake anaapa kupambana na kuvuka vikwazo vingi ambavyo anakutana navyo. Aidha, Zuchu pia amesindikiza ngoma hii na video kali ambayo imeongozwa na Director Folex
Fine Tape - Kayumba
Baada ya kuidokeza kwa muda mrefu, hatimaye wiki hii, Kayumba aliachia albamu yake ya kuitwa Fine Tape yenye ngoma 12 ambayo ndani yake ameshirikisha wasanii tofauti tofauti kama Rayvanny, Roma, Maudi Elka na Harry Song. Hii ni albamu ya kwanza kutoka kwa Kayumba
Nimepona - Ibraah
Kama ulikuwa ume-miss muziki mzuri kutoka kwa Ibraah basi amekuletea hii hapa ya kuitwa Nimepona. Kwenye ngoma hii, Ibraah anaweka wazi maumivu aliyopitia baada kuachwa na kupitia mkwaju huu, Ibraah anadokeza zaidi kuwa maumivu yake yalishapona.
Rara - Phina Featuring Jux
Phina ameuanza vyema mwaka 2023, na ngoma yake hii ya kuitwa Rara ambayo amefanya na Jux. Kwenye ngoma hii utafurahia mashahiri mazuri kutoka kwa Phina pamoja na beat zuri ambalo limepamba vyema ngoma hii
Adela - Ben Pol
Baada ya “Wewe”, Adela ameachia ngoma hii ya kuitwa Adela, ngoma ambayo ndani yake Ben Pol anaugulia maumivu ya mapenzi.
Leave your comment