Ngoma Kumi Kali Za Mapenzi Za Kusikiliza Kipindi Hiki Cha Valentine
14 February 2023
[Picha: Screengrab/YouTube]
Mwandishi: Charles Maganga
Pata Habari za Muziki na Mixtapes Kwenye Telegram
Kama kuna muda mzuri wa kumueleza mpenzi wako ni kwa namna gani basi kipindi hiki cha Valentine ndio muda mzuri zaidi na katika kufanikisha hilo, wasanii mbalimbali kutoka Tanzania wamekusaidia kueleza hisia zako kupitia ngoma hizi maalum za mapenzi.
Kutoka kwa wasanii kama Kusah, Diamond Platnumz, Jay Melody, Zuchu, Billnass na wengineo wengi, hizi hapa ni ngoma 10 kali za mapenzi kipindi hiki cha Valentine.
Nakupenda - Jay Melody.
Jay Melody anakusaidia kueleza hisia zako na jinsi ambavyo umedata kihisia kwa mpenzi kupitia Nakupenda. Hii ni ngoma maalum kwa siku kama ya leo ambapo wapendanao watakuwa wakielezana ya moyoni.
Mi Amor - Marioo
Sauti ya Marioo na Jovial ziliweza kurandana vizuri kabisa katika juhudi zao za kueleza a ni kwa namna gani wapenzi wa atakuwa kupendana na kupeana furaha pindi wawapo pamoja na bila shaka kwa siku kama ya leo hii ni ngoma maalum kabisa kwa wapendanao.
Hakuna Kulala - Zuchu
Hii ni ngoma ya kusikiliza usiku ukiwa faragha na mwenza wako katika siku hii ya Valentine. Kama utaiweka ngoma hii on repeat mara kwa mara utamsikia Zuchu akiwakumbusha kuwa hakuna kulala mpaka asubuhi iwakute.
Puuh - Billnass
Ukimuona mpenzi wako unajisikiaje? Raha, Furaha, Amani au na wewe moyo wako unadunda Puuh kama Billnass ambaye kwenye ngoma yake hii anamshukuru mpenzi wake kwa kumsikiliza na kumpenda pamoja na maneno hasi kwa watu kuwa mengi sana.
Forever - Rayvanny
Kwenye Forever Rayvanny, anamkumbusha mpenziwe kuwa watakuwa wote mpaka kifo na hii ni ngoma nzuri ya kuisikiliza iwapo utakuwa unataka kumuaminisha mwezi wako kuwa utakuwa nae milele na milele.
On Fire (Nakukunda) - Kusah
Kwenye Romantic EP ya kwake Kusah kuna ngoma hii ya kuitwa On Fire ambayo ndani yake kuna mashahiri mazuri kutoka kwa Kusah yanayofaa katika kipindi hiki cha Valentine. Mtumie ngoma hii umpendaye na utatushukuru baadae.
Huyu Hapa - Mbosso
"Liwalo Na Liwe Leo Namtangaza" kama leo una mpango wa kufanya hafla fupi ili kumtambulisha mwenza wako kwa ndugu, jamii na marafiki basi "Huyu Hapa" ya Mbosso itakusaidia kufanikisha hilo.
Mtasubiri - Diamond Platnumz
Kwa wawili wanaopendana bila shaka ngoma hii ya Mtasubiri ya Diamond Platnumz na Zuchu haiwezi kuisha utamu masikioni mwao kutokana na mashahiri mazuri baina ya wawili hao.
Fall In Love - Ruby
Ruby kwenye ngoma hii anaweka wazi ni kwa namna amezama mzima mzima kwenye himaya ya mpenzi wake na ni kupitia sauti yake tamu na mashahiri yake ya kusisimua utafahamu kwamba ngoma hii ni mahususi katika kipindi hiki cha Valentine.
Nakuja - Tommy Flavour Ft Marioo
Ukiweka kando kiitikio cha ngoma hii, utapenda namna ambavyo Tommy Flavour ameweza kuweka maneno mazuri ya mapenzi kuweza kumsifia mwandani wake.
Leave your comment