Nyimbo Mpya: Mac Voice Ft Rayvanny 'Muongeze', Belle 9 'Watu' Na Ngoma Zingine Mpya Tanzania Wiki Hii
3 January 2023
[Picha: Instagram]
Mwandishi: Charles Maganga
Pata Habari za Muziki na Mixtapes Kwenye Telegram
Katika wiki hii ya kwanza kabisa ya kufungua mwaka zifahamu ngoma mpya kutoka kwa wasanii wa Tanzania ambazo sio tu kwamba zitakuburudisha lakini pia zitakupa mafunzo Ya kutosha.
Kutoka kwa wasanii kama Mac Voice, Rapcha na wengineo wengi, hizi ni nyimbo mpya Tanzania wiki hii :
Story Nyingine Freestyle - Rapcha
Katika wimbo huu Rapcha ameendelea kujigamba na kuonesha kuwa ana uwezo wa kipekee katika game ya Hip Hop nchini Tanzania. Huu ni wimbo ambao Rapcha anawakumbusha washindani wake wa kimuziki kuhusu kipaji chake na wengi kwenye mitandao ya kijamii wameuchukulia wimbo kama Diss Track.
Watu - Belle 9
Belle 9 alinogesha kiwanda cha Bongo Fleva hivi karibuni na ngoma yake ya "Watu" ambayo inazungumzia kuhusu mapenzi na namna ambavyo baadhi ya watu wanajaribu kuangamiza mapenzi yake kwa mtu anayempenda.
Muongeze - Mac Voice Featuring Rayvanny
Baada ya "Tamu" Mac Voice pamoja na Rayvanny wamekuletea hii ya kuitwa "Tamu" ngoma ambayo ndani yake wasanii hawa wawili kutokea Next Level Music wanalenga kuburudisha watu ambao ni wahudhuriaji wazuri wa club na kumbi mbalimbali za starehe hapa Afrika Mashariki.
Hatia V - Dizasta Vina
Hata V ni wimbo ambao Dizasta Vina anasimulia na kueleza kuhusu maisha, mafunzo na ujasiri wa baba yake ambaye kwake yeye anamuona kama shujaa. Wengi wamesifia ngoma hii kutokana na ubunifu uliotumika kuelezea simulizi hii kutoka kwa Dizasta Vina.
Dawa - Snow Wizzy
Moja ya wasanii chipukizi waliopamba wiki hii ni Snow Wizzy ambaye ametuletea ngoma yake ya kuitwa Dawa ambayo ndani yake anaeleza namna ambavyo anakoshwa na mwandani wake huku akitumia vionjo vya Afrobeats kufikisha ujumbe wake.
Leave your comment