Abigail Chams Aachia Closer Video
31 August 2022
[Picha: Instagram]
Mwandishi: Charles Maganga
Pata Habari za Muziki na Mixtapes Kwenye Telegram
Mwanamuziki anayekuja kwa kasi kunako kiwanda cha Bongo Fleva, Abigail Chams hatimaye ametimiza ahadi kwa mashabiki zake baada ya kuachia video ya ngoma yake ya "Closer" akiwa na mwanamuziki kutokea Konde Gang, Harmonize.
Video ya "Closer" inakuja siku chache tangu Abigail Chams aachie wimbo huo ambao tangu kutoka kwake umekuwa ni wimbo pendwa baina ya mashabiki.
Stori nzuri na ya kusisimua ambayo inamuonesha Abigail Chams akikimbizwa na gari la Polisi baada ya kuiba pesa, kisha baadaye kukutana na Harmonize ambaye alikuwa ni mshirika wa Abigail Chams imeweza kufanya video hii kunoga sana.
Video ya Closer imeongozwa na Director Ivan kutokea Tanzania ambaye pia alifanya video ya "Teacher" ya Harmonize, "Unachezaje" ya Diamond Platnumz pamoja na "Utu" ya Ali Kiba.
Aidha hii ni video ya pili kutoka kwa Abigail Chams tangu kusainiwa lebo ya Rockstar kwani mwezi Juni mwaka huu aliachia video yake ya U&I ambayo ilifanya vizuri sana nchini Tanzania.
Leave your comment