Nyimbo Mpya: Lava Lava ‘Inatosha’, Nandy ‘Kunjani’ na Ngoma Zingine Zilizoachiwa Bongo Wiki Hii
25 October 2021
[Picha: YouTube]
Mwandishi: Charles Maganga
Pata Habari za Muziki na Mixtapes Bure Kwenye Telegram
Soko la muziki nchini Tanzania limeendelea kupokea bidhaa tofauti tofauti kutoka kwa wasanii ambao wameachia ngoma ambazo zimeburudisha mashabiki. Hizi hapa ni ngoma tano kali mpya ambazo zimeachiwa na kufanya vizuri sana Tanzania wiki hii:
Soma Pia: Mac Voice Asimulia Alivyohangaika kufanya Muziki Hadi Karibu Ajitoe Maisha
Inatosha - Lavalava
Baada ya ukimya wa takriban miezi mine, hatimaye Lavalava wiki hii aliachia ngoma yake ya kuitwa ‘Inatosha’. Kwenye ngoma hii, anatumia mtindo wa nyimbo za zamani kufikisha ujumbe wake. Kufikia sasa, ngoma hii imeshatazamwa mara laki mbili hamsini na nne kwenye mtandao wa YoutTube.
Kunjani - Nandy ft Sho Madjozi
Kama unapenda muziki wa Amapiano basi bila shaka utapenda ngoma hii mpya ya Nandy ya kuitwa ‘Kunjani’ ambayo ameshirikiana na Sho Madjozi kutokea Afrika Kusini. ‘Kunjani’ ni neno la kizulu ambalo hutumika pale mtu anapotaka kukujulia halI. Bila shaka hii ni ngoma ambayo itakufanya ucheze na kufurahi kutokana na mdundo mzuri utakaokuchangamsha
Kawaida - Lulu Diva
Kwenye ngoma hii ambayo imeandikwa na Whozu, Lulu Diva amezungumzia vitu mbalimbali ambavyo watu wanaona ni vya ajabu, ila yeye anaona ni vitu vya kawaida tu. Kama unatafuta ngoma ambayo itakufanya ucheze na kufurahi basi hii ni kwa ajili yako.
Shindulia Chini - Dogo Janja ft Mimi Mars
Ngoma hii imetayarishwa na Genius Jini na inafaa hasa kwenye maeneo ya club na sehemu za kujirusha kutokana na mdundo kuwa wa kuchangamka.
Nyumba - Dully Sykes
Mwanamuziki Dully Sykes ameamua kusema ya moyoni kwa jinsi gani ananyanyasika kwenye jamii kutokana na kutokuwa na nyumba. Malalamiko hayo ameyawasilisha kupitia ngoma yake mpya ya kuitwa ‘Nyumba’. ‘Nyumba’ ni ngoma iliyotayarishwa na Banx ambaye ameshirikiana na Mr Touch.
Leave your comment