Nyimbo Mpya Zilizoachiwa na Mac Voice, Cheed, Barnaba na Wasanii Wengine Bongo Wiki Hii
4 October 2021
[Picha: Muzik TV]
Mwandishi: Charles Maganga
Pata Habari za Muziki na Mixtapes Bure Kwenye Telegram
Soko la muziki nchini Tanzania limeendelea kupokea bidhaa tofauti tofauti kutoka kwa wasanii ambao wameachia ngoma ambazo zimeburudisha mashabiki. Hizi hapa ni ngoma tano kali mpya ambazo zimeachiwa na kufanya vizuri sana Tanzania wiki hii:
Soma Pia: Nyimbo Mpya Zilizoachiwa na Diamond, Rosa Ree, Beka Flavour na Wasanii Wengine Bongo Wiki Hii
Wandia – Cheed
Wiki hii Konde Gang waliadhimisha Cheed Day baada ya mwanamuziki Cheed kuachia ‘Wandia’ ambayo ni ngoma ya kwanza ya msanii huyo tangu ajiunge kwenye lebo hiyo. ‘Wandia’ ni ngoma ambayo Cheed anamwimbia mpenzi wake ambaye wanapendana sana pamoja na kupitia maisha duni. Kufikia sasa, ngoma hii imeshatazamwa mara laki mbili kumi na nane.
Nenda - Mac Voice
Kutoka kwenye EP yake ya ‘My Voice’, Mac Voice ameachia rasmi ‘Nenda’ kama ngoma ya kwanza ya kwenye EP yake. Video ya ‘Nenda’ imeachiwa siku tano zilizopita na bila shaka ni video ambayo itagusa na kukonga hisia kutokana na uhalisia wake. Kufikia sasa, imeshatazamwa mara laki mbili arobaini na nane kwenye mtandao wa YouTube.
Yalaaniwe Mapenzi - Barnaba
Barnaba aliachia ngoma yake ya ‘Yalaaniwe Mapenzi’ ambayo ni mpya kabisa. Kwenye ngoma hii, Barnaba analalamika jinsi ambavyo alikuwa anajitoa kwa mpenzi ila mwisho wa siku akaumizwa.
Nimeachika - Amber Lulu
Mara nyingi sana watu husononeka pale wanapoachika, lakini haipo hivyo kwa mwanadada Amber Lulu ambaye anafurahi kumalizana na mahusiano aliyokuwa nayo.
Yeye - Linah
Linah amerudi tena kwenye Bongo Fleva na ngoma yake ya ‘Kama Yeye’ ambayo humu ndani anamsifia mpenzi wake kwa namna ambavyo anamkosha. Ngoma hii ni ishara kuwa Linah amerudi rasmi kwenye muziki.
Leave your comment