Moni Centrozone Ajiunga na Rooftop Entertainment

[Picha: Moni Centrozone Instagram]

Mwandishi: Charles Maganga

Pata Habari za Muziki na Mixtapes Bure Kwenye Telegram

Rapa kutokea nchini Tanzania Moni Centrozone hatimaye ametia wino na kampuni ya burudani Rooftop entertainment ambayo itahusika kumsimamia yeye katika kazi zake.

Soma Pia: Nandy Aeleza Sababu ya Kuandika Wimbo wake Mpya ‘New Couple’

Moni ambaye kwa muda mrefu alikuwa ni msanii huru bila kuwa chini ya record label yoyote alitoa taarifa hizo kupitia akaunti yake ya instagram akiandika "Ninayo furaha kuwataarifu leo tarehe 21/06/2021 nimeingia mkataba na kampuni kubwa kwenye muziki wa hiphop Rooftop entertainment.

Moni aliongeza: "Tumekuwa kwenye majadiliano kwa muda mrefu hatimaye ni muda sahihi kushirikiana na kupeleka muziki wa hiphop mbali zaidi.”

Baada ya ujumbe huo wasanii na wadau wa muziki mbalimbali nchini Tanzania kama Marioo, Dj Choka, Hanscana, Johmaker, S2kizzy na Country Boy walimpa pongezi Moni Centrozone kwa kulamba dili nono.

Soma Pia: Maswali Yaibuka Baada ya Diamond Kuachia Kionjo cha Wimbo Wake Mpya

John Tojo ambaye ndiye muanzilishi na mkurugenzi mtendaji wa kampuni ya Rooftop entertainment aliandika kupitia akaunti yake ya Instagram "Muda wote huwa na furaha nikiwa nafanya kazi na Moni centrozone nashukuru Mwenyezi Mungu now tumeweza kusecure hii biashara kubwa."

Kabla ya Moni, mwanadada Jolie alikuwa ni msanii chini ya Rooftop entertainment kabla ya kutangaza kuacha rasmi muziki miezi kadhaa iliyopita. Chini ya Rooftop entertainment, Jolie aliachia kazi mbili ‘Uoga’ aliyoitoa Juni 2019 pamoja na ‘Sina aliyoiachia’ December 2019.

Pia Country Boy alikuwa ni msanii wa Rooftop entertainment kabla kutimkia Konde Music Worldwide iliyo chini ya Rajabu Kahali almaarufu kama Harmonize.