Nyimbo Mpya: Ben Pol 'Wewe', Jay Melody 'Nitasema' na Ngoma Zingine Mpya Tanzania Wiki Hii
16 January 2023
[Picha: Instagram]
Mwandishi: Charles Maganga
Pata Habari za Muziki na Mixtapes Kwenye Telegram
Ni wiki nyingine tena ambayo wasanii kutoka Tanzania wameamua kupamba kiwanda cha Bongo Fleva kwa kuachia ngoma kali ambazo zina lengo la kuwaburudisha mashabiki.
Kutoka kwa wasanii kama Jay Melody, Meja Kunta, Ben Pol na wengineo wengi zifuatazo ni ngoma mpya Tanzania kwa wiki hii :
Nitasema - Jay Melody
Baada ya Acha Wivu, Jay Melody ameleta ngoma mpya ya kuitwa Nitasema kwa mashabiki zake. Hii ni ngoma ambayo Jay Melody anatumia mahadhi ya Bongo Fleva ambapo anamuhakikishia mpenzi wake kuwa hatamuacha na kwamba siku zote ataendelea kusema anampenda.
Mchepuko - Seneta Kilaka
Unakosa mengi kama bado hujaisikiliza Mchepuko ya Seneta Kilaka. Hii ni ngoma ya Singeli ambayo ndani yake Seneta anazungumzia kuhusu michepuko huku akiwa amegusia kuhusu tabia za michepuko na namna ambavyo anatamani yeye pia awe Mchepuko.
Ni Wewe - Ben Pol
Benpol anajulikana kwa uwezo wake wa kuandika ngoma za mapenzi na kwenye Ni Wewe Ben Pol amedhihirisha hilo kwani kupitia ngoma hii, mshindi huyo wa tuzo za Tanzania Music Awards anahadithia namna ambavyo anapata maumivu kutokana na kushindwa kumsahau mpenzi wake wa zamani
Ruqaiya - Meja Kunta
Bendera ya muziki wa Singeli wiki hii ilipeperushwa vyema na Meja Kunta ambaye ameachia Ruqaiya ngoma nzuri ya mapenzi ambayo inatukumbusha ngoma za zamani za Meja Kunta kama Mamu, Naumia Na Moyo, Shory na nyinginezo nyingi.
Vavayo - Whozu Ft Marioo
Ili kutengeneza Vavayo, Whozu aliamua kuunganIsha nguvu na Marioo na bila shaka collabo hii imekosha sana hisia za mashabiki tangu ilipoachiwa kutokana na kuundwa na beat zuri la Amapiano pamoja na ujumbe mzuri wenye lengo la kutoa faraja
Leave your comment