Dj Ab zai bude sabuwar kwamfanin hadahada.

Picture source: Dj Ab's Instagram page

By Omar Ayuba Isah

Get Free Music Updates and Mixes on Telegram

Shahararren mawaki a masana'antar Hausa Hip Hop dan asalin jihar Kaduna "Dj Ab" wanda ake wa lakabi da "Su baba ne". Zai bude sabuwar kwamfanin hadahada mai suna" Subabane". A cikin sabon shekarar nan ta 2021, kwamfanin hadahadan na dauke da bangarori biyu ne, da bangaran gudanar da aiyukan da su ka shafi harkar waka da kuma bangaran da ya shafi harkar bidiyo da wasu aiyun zamani.

"Subabane" sunan daya ne daga cikin wakokin Yaron North Side da su ka yi tashe a Arewacin Najeriya shekarun baya, kuma kawo yanzu ya zama inkiya ko sarar wadan nan matashan mawaka yan jihar Kaduna.

DJ AB ya baiyana wannan sabuwar kwamfanin ne a shafin sa na Instagram da Twitter tare da sanarwar fitowar wannan kwamfanin a cikin lokaci kalilan. Kuma mawakin ya bukaci masoyan sa da su ziyarci shafukan da aka bude su da sunan kwamfanin a kafafan sada zumunci tare da bin wadan nan shafukan.

Kusan wannan shine karo na farko da mawakin zai shiga wani aikin daban da zamowar sa mawaki, sannan kusan wannan mabudi ne ga sauran mawaka ma su sha'awar yin wani aikin daban da waka ta ita ce aka san su da ita. Domin akwai bincike da masana su ka yi akan mawakan Hausa Hip Hop, da ke nuni cewa mafi yawanci mawakan Hausa Hip Hop ba sa wani sana'a bayan waka. Duk da kuwa akwai da yawa a cikin su da su ka yi karatun boko ko aikin hannu.