FWAMBO GI KEYO

Fwambo gi Keyo @#JULIUS AKOKO
Ling uru mondo uwinj lendo
Kawuono ni wakelonu fwambo gi keyo
Wach ma ila matek ma athi wacho
Gisewuondowa mangeny to gitugo
Pare kaka ne gi kwecho
Kwecho mar ombulu kas to wamiyo gi yiero
An jalendo nu, akelonu fwambo gi keyo

Wathi ir jatelo Kwach,mondo omiwa wach
Nikech wakech ka ngato mamoko mach
Jatelo wuo gi jopiny
Gi ywak ni pesa onge ei piny
An jatendu maber
Kung’iyo maber, unyaloneno ber moseger
Magi en tich mawasechako to pod biro mangeny
An jalendo nu, akelonu fwambo gi keyo

Jalendo thi ir Jatelo Sibuor
Jatelo ni ngudi to owuor
Owuondore ni omuol to mana otoyo moruako lep rombe
Gima wadwaro en adiera
Akelo adiera to gima luo en tho na
Ka okwagolo adiera mar wach to go koko
To ka agolo adiera, udwa nega to podi
Million piera ariyo lal ei kor yamo
Kawawuoyo to wiyi kuot ichal ngato momako yamo
Yore pok gigero ,lakteche kod jopuonje ogomo
Jalendo ful te wadwa ngeyo kaka pesa orumo
Ni kech gidwa tugo tugo mar pimo wich
Wangni udwa yie ,wangwa okuthiumo

Waol kodi ema omiyo koro wagoli gi ngwech
Ni kech ijalokri ka ngech
Wangni uthi secho maudiew kusecho
Watingo kura to gima luo ,en adiera mar miriambo
Gonya gonya gonya emawangeyo
Ti gi pachi mondo kik gonyi nyaka go ombulu

An jalendo atieko lendo kama
Jotelo ongiyo kodwa marach
Igonyo jawadu gi beti ,wiyi rach
Wariure ni kech wan gimoro achiel
Kik wamok mach manego okwanyal
Ma pinywa wagere kanyakla
An jalendo nu ,akelonu fwambo gi keyo