Bado (Review)

Lyrics

Mwimbaji maarufu tokea Tanzania anayefahamika kama Juma Jux ameachia kibao kingine cha kusisimua kinachojulikana kama Bado. Bado ni wimbo wa mapenzi ila una maudhui ya kuvunjwa moyo. Msanii Jux anadhihirisha ubunifu wake wa utunzi katika wimbo huu kwa kumhadhithia msikilizaji jinsi penzi alilolienzi lilivyo sambaratika na kumuumiza ila bado anajipa moyo kuwa atapendwa tena. Juma Jux anamshirikisha mtunzi Bob Manecky katika ubunifu wa wimbo huu na kusema kweli kila wawili hawa wanaposhirikiana, wasikilizaji hutunukiwa bonge la wimbo. Bado huanza kwa mdundo mtulivu ambao hufuatwa na Sauti nyororo ya mwimbaji akisimulia masaibu yake. Kibwagizo cha wimbo huu kinaibua hisia za upweke na uchungu haswa Jux anapoelezea jinsi anavyopenda kwa roho moja kisha baadae anaumizwa. Bado ni wimbo ambao unaeleweka sana haswa kwa wale ambao wamekuwa kwenye hali hiyo ya kuvunjwa moyo. Iwapo bado hujaweza kuuskiza wimbo huu ningeupendekeza kwako Kwani ni wimbo mtamu na utaburudika ukiusikiliza. Kwa chambuzi hii na zingine zinginezo kuhusu mziki unaotamba barani Afrika tembelea tovuti yetu ya Mdundo.com.
View more