Washindi Tuzo za Ballon d'or

Lyrics

Usiku wa Jumatatu ya tarehe 17 tuzo pendwa kabisa duniani za soka za Ballon D’or ulikamilika kwa shangwa baada ya mashabiki mbalimbali duniani waliposhuhudia wanasoka wao mashuhuri wakiondoka na tuzo hizo katika vipengele mbalimballi. Katika kipengele kilichoozua hisia ni baada ya Karim Benzema kuondoka na tuzo ya mwanasoka bora kwa msimu wa mwaka 2021-2022 kwa upande wa wanaume.

MWANASOKA BORA WA KIUME
Hatimaye kwa mara ya kumi na moja baada ya kushiriki tuzo za Ballon D’or mshambuliaji wa timu ta Taifa ya Ufaransa na Real Madrid ya Hispania Karim Mostapha Benzema ameibuka mwanasoka bora wa msimu kwa upande wa wanaume. Katika kipengele hicho Benzema alikuwa akishindanishwa Sadio Mane kutokea Bayern Munich, Kelvin De Bruyne wa Manchester City pamoja na Robert Lewandowski akikipiga huko Barcelona kwa sasa. Hii ni mara ya tano kwa mchezaji kutokea Ufaransa kuchukua tuzo hizo za Ballon D’or tangu kuanzishwa kwake.

View moreMWANASOKA BORA WA KIKE
Katika kipengele hiki kiungo kutokea timu ya wanawake ya Barcelona Alexia Putelles ameweza kuitetea nafasi yake hiyo kwa kuondoka tena na tuzo hiyo kwa msimu wa pili mfululizo. Katika kipengele hicho wachezaji wengine waliokuwa wakikishindania ni pamoja na Beth Mead akitokea Arsenal , Sam Kerr anayekipiga huko Chelsea.

MWANASOKA BORA CHIPIKIZI (THE KOPA trophy)
Kikiwa ni kipengele cha kwanza kutolewa katika tuzo hizo mwanasoka bora chipukizi Pablo Martin Paez Gavira anayetokea katika timu ya Barcelona ameondoka na tuzo hiyo. Katika kipengele hicho ambacho hutolewa kwa wanasoka wenye umri chini ya miaka 21 kilikuwa kikishindanniwa na Jude Bellingham wa Borussia Dortmund, Eduardo Camavinga wa Real Madrid, pamoja na Jamal Musiala anaetokea Bayern Munich. Hii ni tuzo ya pili mfululizo kutolewa kwa mwanasoka kinda katika timu ya Barcelona baada ya msimu uliopita Pedri kuondoka na tuzo hiyo.

TUZO YA MWANASOKA MWENYE MCHANGO KATIKA JAMII (SOCRATES AWARD)
Katika tuzo hii mwanasoka anayekipiga huko Bayern Munich ya Ujerumani na timu ya Taifa ya Senegal Sadio Mane ameweza kupewa tuzo hii na ni kutokana na mchango wake kwa jamii haswa Senegal katika eneo alilokulia kwa kuboresha huduma za afya, elimu pamoja na misaada kwa watu wasioweza kukimu mahitaji yao.

TIMU BORA YA MWAKA
Mabingwa wa ligi kuu ya Uingereza Manchester City wameweza kuondokana washindi katika kipengele hiki baada ya kuwapiki Liverpool walishika nafasi ya pili pamoja na Real Madrid ambao wao wameshika nafasi ya tatu. City wameshinda tuzo hiyo baada ya kukusanya alama 93 katika ligi kuu Uingereza na pia kufunga jumla ya mabao zaidi ya mia moja kwa msimu uliopita.

MLINDA MLANGO BORA WA MWAKA (YACHINE TROPHY)
Mlinda Mlango wa klabu ya Real Madrid pamoja na timu ya Taifa ya Ubelgiji Thibaut Courtois ameibuka kinara katika kinyang’anyiro hiki. Washiriki wengine katika kipengele hiki ni pamoja na Alisson Becker wa Liverpool pamoja na Ederson wa Manchester City.

TUZO YA STAIKA BORA WA MWAKA ( GERD MULLER TROPHY)
Mashambuliaji kutokea Poland Robert Lewandowski ameibuka kidedea katika tuzo hizo baada ya kuwa na mabao mengi kwa msimu wa mwaka 2021-2022. Akiwa Bayern Munich kabla ya kuhamia Barcelona Lewandowski ameweka kambani jumla ya mabao hamsini na tisa katika mashindano yote ya msimu huo na kumfanya awe mchezaji aliyestahili tuzo hiyo.