Zuchu Mtasubiri ft diamond

Lyrics

Kwa mara nyingine tena wasanii kutoka WCB Zuchu pamoja na Diamond Platnumz wamekutana katika kazi ingine waliyoipa jina la Mtasubiri. Ngoma hii ni ngoma ya tatu kwa wasanii hawa kutokea lebo moja ambayo wamefanya pamoja baada ya kazi zilizopita kama vile Cheche pamoja na Litawachoma zote zilizotoka mwaka 2020.

Mtasubiri ni wimbo wa kwanza unaopatikana katika EP ya Diamond Platnumz aliyoipa jina la First of All ikiwa ni video inayoongoza kwa watazamaji wengi huko mjini Youtube kwa upande wa wasanii wa Tanzania kwa mwaka huu 2022.

Wimbo huu uliachiwa wakati mahususi kabisa mara baada ya tetesi za mastaa hawa kuhusishwa na kuwa na mahusiano ya kimapenzi na hii kuufanya wimbo huu kupata mvuto na kuteka masikio ya wasikilizaji wengi. Baadhi ya watu waliuongelea wimbo huu kama Showbiz mpaka pale ilipotimu siku ya kuzaliwa ya msanii Zuchu baada ya taharuki kutanda kutokana na video mbalimbali zikathibitisha ukweli wa penzi lao.
View more
Ukakasi mwingine uliojitokeza katika ngoma hii ni pale ambapo Mtasubiri ilipozuiliwa kuoneshwa katika luninga mbalimbali nchini Tanzania mara baada ya baadhi ya watu kulalama kutokana na video yake ambayo walitumia kipande cha kwaya ya kanisani na kufanya baadhi ya watu kukereka.

Kama kawaida kutokea WCB Lizer Classic ndiye producer wa wimbo huu na upande wa Video kutoka kwa mtu mzima Director Ivan ndiye aliyehusika ambaye pia ameandaa kazi zingine ikiwemo Mwambieni pamoja na Love kutoka kwa Zuchu.